નવી દિલ્હી :પ્રધાનમંત્રી નરેન્દ્રભાઈ મોદીએ નવા GST 2.0 દરો લાગુ કરતા પહેલા રાષ્ટ્રને સંબોધન કર્યું હતું. આ 19 મિનિટનું "રાષ્ટ્રને સંબોધન" 22 સપ્ટેમ્બરના રોજ દેશમાં નવા GST 2.0 દરો અમલમાં આવ્યા તે પહેલાં કરવામાં આવ્યું.

રાષ્ટ્રને સંબોધનમાં, પ્રધાનમંત્રી નરેન્દ્રભાઈ  મોદીએ લોકોને સ્વદેશી અપનાવવાની અપીલ કરી હતી. તેમણે કહ્યું હતું કે, "ગર્વથી કહો કે હું સ્વદેશી ખરીદું છું." તેમણે કહ્યું હતું કે સ્વદેશી અપનાવવાથી દેશનો વિકાસ થશે અને આપણને વિશ્વ સમક્ષ ગર્વ થશે. આ સંબોધનમાં, પીએમ મોદીએ GST સુધારાઓને "બચત ઉત્સવ" ગણાવ્યો હતો.

રાષ્ટ્રને સંબોધનના અંતે, પ્રધાનમંત્રીએ રાષ્ટ્રને અપીલ કરતા કહ્યું, "આપણે વિદેશી વસ્તુઓથી મુક્ત રહેવી જોઈએ. આપણે ફક્ત તે જ વસ્તુઓ ખરીદવી જોઈએ જે ભારતમાં બનેલી હોય. આપણે સ્વદેશીના મંત્ર સાથે આગળ વધવું જોઈએ. આપણે ગર્વથી જાહેર કરવું જોઈએ કે આપણે ફક્ત સ્વદેશી જ ખરીદીશું. ત્યારે જ આપણો દેશ ઝડપથી પ્રગતિ કરશે અને આત્મનિર્ભર ભારતનું આપણું સ્વપ્ન સાકાર થશે. ભારતના દરેક રાજ્યનો વિકાસ થશે, અને ભારતનો વિકાસ થશે

 પીએમ  મોદીએ કહ્યું કે, GST સુધારાઓ આગામી પેઢીના સુધારા છે. અમે તેમને દેશની જરૂરિયાતો અનુસાર લાગુ કર્યા છે. આ સુધારાઓ ભારતની વિકાસગાથાને વેગ આપશે, વ્યવસાયને સરળ બનાવશે, રોકાણને વધુ આકર્ષક બનાવશે અને વિકાસની દોડમાં દરેક રાજ્યને સમાન ભાગીદાર બનાવશે. આ GST સુધારાઓ "નાગરિક દેવો ભવ" (ના મંત્રને સ્પષ્ટપણે પ્રતિબિંબિત કરે છે, જેનો આપણે પીછો કરી રહ્યા છીએ. વિકસિત ભારતના લક્ષ્યને પ્રાપ્ત કરવા માટે, આપણે આત્મનિર્ભર ભારત તરફ આગળ વધવું જોઈએ

પીએમ મોદીએ કહ્યું, "આપણા વ્યવસાયિક ભાઈઓ અને બહેનો કરવેરાના જાળમાં ફસાઈ ગયા હતા. મને MSME સાથે સંકળાયેલા વ્યવસાયો પાસેથી ઘણી અપેક્ષાઓ છે. આપણા નાના ઉદ્યોગો જે પણ ઉત્પાદન કરે છે તે વિશ્વમાં શ્રેષ્ઠ હોવું જોઈએ.