નવી દિલ્હી : પીએમ મોદી 22 સપ્ટેમ્બરના રોજ અરુણાચલ પ્રદેશ અને ત્રિપુરાની મુલાકાત લેશે. તેમણે એક ટ્વીટમાં આ જાહેરાત કરી. પ્રધાનમંત્રી મોદીએ જણાવ્યું હતું કે આવતીકાલે પૂર્વોત્તરના વિકાસ માટે મહત્વપૂર્ણ દિવસ છે. અરુણાચલ પ્રદેશના ઇટાનગરમાં, તેઓ ઊર્જા, કનેક્ટિવિટી, આરોગ્યસંભાળ અને અન્ય ક્ષેત્રોને લગતા મોટા પ્રોજેક્ટ્સનો શુભારંભ કરશે. તેઓ બે મોટા જળવિદ્યુત પ્રોજેક્ટ્સનો શિલાન્યાસ પણ કરશે. ત્યારબાદ તેઓ ત્રિપુરાના ઉદયપુરમાં માતા ત્રિપુરા સુંદરી મંદિર સંકુલમાં વિકાસ કાર્યનું ઉદ્ઘાટન કરશે.