દિલ્હીમાં સૌથી મોટી ડિજિટલ એરેસ્ટઃ બેંકર પાસેથી ૨૩ કરોડ વસૂલવામાં આવ્યા
ભૂતપૂર્વ બેંકરને NIA કાયદા હેઠળ ધરપકડની ધમકી આપવામાં આવી હતી, કૌભાંડીઓએ તેમની સામે ધરપકડ વોરંટ પણ જારી કર્યું હતું
નવી દિલ્હી,તા.૨૩: રાજધાની દિલ્હીમાં એક ભૂતપૂર્વ બેંકરની ડિજિટલ એરેસ્ટ કરીને તેની સાથે આશરે ૨૩ કરોડની છેતરપિંડી કરવામાં આવી હતી. એવો આરોપ છે કે પીડિતને દોઢ મહિના સુધી ડિજિટલ એરેસ્ટ કરાઈ હતી. ૨૩ કરોડની છેતરપિંડી સાથે, આને ભારતનું સૌથી મોટું ડિજિટલ ધરપકડ કૌભાંડ કહેવામાં આવી રહ્યું છે. અહેવાલો અનુસાર, ભૂતપૂર્વ બેંકરને ધમકી આપવામાં આવી હતી કે તેના પૈસા આતંકવાદી ભંડોળ માટે ઉપયોગમાં લેવાયા છે. પીડિતનું નામ નરેશ મલ્હોત્રા છે. દક્ષિણ દિલ્હીના પોશ વિસ્તારમાં તેના બંગલામાં એકલા રહેતા મલ્હોત્રાને ૧ ઓગસ્ટથી ૧૬ સપ્ટેમ્બર દરમિયાન ડિજિટલ એરેસ્ટ હેઠળ રાખવામાં આવ્યા હતા. તેમણે કહ્યું કે એક મહિલાએ ટેલિકોમ કંપનીના કર્મચારી તરીકે તેમની સાથે વાત કરી હતી. ભૂતપૂર્વ બેંકરને ફત્ખ્ કાયદા હેઠળ ધરપકડની ધમકી આપવામાં આવી હોવાનો આરોપ છે. એવો આરોપ છે કે કૌભાંડીઓએ તેમને ધરપકડ વોરંટ પણ મોકલ્યું હતું. તેમની મિલકત જપ્ત કરવાની પણ ધમકી આપવામાં આવી હતી. ત્યારબાદ, સાયબર છેતરપિંડી કરનારાઓએ મુંબઈ પોલીસ, એન્ફોર્સમેન્ટ ડિરેક્ટોરેટ (ED) અને સેન્ટ્રલ બ્યુરો ઓફ ઈન્વેસ્ટિગેશન (CBI) ના અધિકારીઓ હોવાનો દાવો કરીને તેમની સાથે વાતચીત કરવાનું ચાલુ રાખ્યું હતું.
૪ ઓગસ્ટથી ૪ સપ્ટેમ્બર દરમિયાન ડિજિટલ એરેસ્ટ દરમિયાન, તેમની પાસેથી શરૂઆતમાં રૂા. ૧૨.૮૪ કરોડ પડાવવામાં આવ્યા હતા, પછી રૂ. ૯.૯૦ કરોડની છેતરપિંડી કરવામાં આવી હતી. કુલ મળીને, નરેશ મલ્હોત્રા સાથે રૂ. ૨૨.૯૨ કરોડની છેતરપિંડી કરવામાં આવી હતી. એવું મનાય છે કે આ અત્યાર સુધીની સૌથી મોટી ડિજિટલ એરેસ્ટ હતી. (૪૦.૧૩)
(9:52 AM IST)
છેલ્લા 8 દિવસમાં સૌથી લોકપ્રિય 
