(વિજય વસાણી દ્વારા) ગાંધીનગર, તા.,૨૩ : સાવરકુંડલાના પૂર્વ ધારાસભ્‍ય અને અમરેલી જિલ્લા કોંગ્રેસ પ્રમુખ તથા અમરેલી જિલ્લાના કોંગ્રેસના નેતા પ્રતાપભાઈ દુધાત સરદાર યાત્રા સંપન્ન કરી પરત ફરતા હતા એ દરમિયાન અમરેલીના દુધાળા નજીક તેમના કાફલાની એક કાર ઉપર ૫૦ લોકોના ટોળાએ હુમલો કર્યો હતો.

 જેમાં તેમના કાફલાની એક કાર ઉપર ધોકા વડે હુમલો કરી કાચ તોડી નાખવામાં આવ્‍યા હતા.ઘટનાની જાણ પ્રતાપભાઈ દૂધાતે પોલીસને કરતા પોલીસ તાત્‍કાલિક ઘટના સ્‍થળે દોડી ગઈ હતી હુમલામાં કોઈ જાન હાની નથી. (૪.૮)