મુંબઈ/થાણે: મહારાષ્ટ્રના થાણે જિલ્લામાં કેન્દ્ર સરકારે એક મહત્વપૂર્ણ નિર્ણય લેતા દહિસર અને વસઈ ક્રીક વચ્ચેના રોડ પ્રોજેક્ટ માટે ૫૩ એકર મીઠાની જમીન ટ્રાન્સફર કરવાની મંજૂરી આપી છે. કેન્દ્રના આ નિર્ણયથી મુંબઈ અને તેના ઉપનગરો વચ્ચેના ટ્રાફિકને હળવો કરતા આ મહત્વકાંક્ષી પ્રોજેક્ટને ગતિ મળશે.

આ પ્રોજેક્ટ લાંબા સમયથી જમીન સંપાદનના મુદ્દે અટવાયેલો હતો. હવે કેન્દ્ર સરકાર દ્વારા થાણે જિલ્લાની ૫૩ એકર જમીન આ પ્રોજેક્ટ માટે તબદીલ કરવામાં આવતા મોટાભાગની અડચણો દૂર થઈ છે. 

આ રોડ બની જવાથી મુંબઈના પશ્ચિમી ઉપનગરો અને વસઈ-વિરાર વચ્ચેની મુસાફરીનો સમય નોંધપાત્ર રીતે ઘટશે અને વાહનચાલકોને મોટી રાહત મળશે. મહારાષ્ટ્ર સરકાર હવે આ પ્રોજેક્ટ પર ઝડપથી કામગીરી આગળ વધારશે તેવી અપેક્ષા છે.