મુંબઈ : મૂડી બજાર નિયમનકાર સેબી (સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા) દ્વારા લિસ્ટેડ કંપનીઓને એક મોટી રાહત આપવામાં આવી છે.

સેબીએ સ્પષ્ટતા કરી છે કે પ્રમોટરો વચ્ચે થતા પારિવારિક સમજૂતી કરારોની ફરજિયાત જાહેરાતથી લિસ્ટેડ કંપની પર કોઈ પ્રકારનું બંધન રહેશે નહીં કે કોઈ જવાબદારી ઊભી થશે નહીં.

આ નિર્ણયથી કંપનીઓ અને તેમના પ્રમોટર્સને પારિવારિક વિવાદો અને સમજૂતીઓની ગોપનીયતા જાળવવામાં મદદ મળશે, જ્યારે કંપનીના શાસન પર તેની કોઈ સીધી અસર નહીં થાય.

આ પગલાનો ઉદ્દેશ્ય રોકાણકારોના હિતોનું રક્ષણ કરવાની સાથે-સાથે બિઝનેસ કરવાની પ્રક્રિયાને સરળ બનાવવાનો છે.