સુપ્રીમ કોર્ટે બાર કાઉન્સિલ ઓફ ઈન્ડિયાને જાન્યુઆરી ૨૦૨૬ સુધીમાં રાજ્ય બાર કાઉન્સિલની ચૂંટણીઓ યોજવાનો નિર્દેશ આપ્યો
સુપ્રીમ કોર્ટે બાર કાઉન્સિલ ઓફ ઈન્ડિયાને ૩૧ જાન્યુઆરી, ૨૦૨૬ સુધીમાં તમામ રાજ્ય બાર કાઉન્સિલની ચૂંટણીઓ યોજવાનો આદેશ આપ્યો અને વિલંબ સામે ચેતવણી આપી
નવી દિલ્હી, તા.૨૫: સુપ્રીમ કોર્ટે બુધવારે તમામ રાજ્યોની બાર કાઉન્સિલની ચૂંટણી યોજવામાં લાંબા સમય સુધી વિલંબ થવા પર ભારે નારાજગી વ્યક્ત કરી હતી. સુપ્રીમ કોર્ટે તમામ રાજ્ય બાર કાઉન્સિલોને ૩૧ જાન્યુઆરી, ૨૦૨૬ સુધીમાં તેમની ચૂંટણીઓ યોજવાનો નિર્દેશ આપ્યો હતો. ન્યાયાધીશ સૂર્યકાંત, ઉજ્જલ ભુયાન અને એન. કોટિશ્વર સિંહની બનેલી બેન્ચે જણાવ્યું હતું કે એલએલબી પ્રમાણપત્રોની ચકાસણી બાર કાઉન્સિલની ચૂંટણી મુલતવી રાખવાનો આધાર ન હોઈ શકે. સુપ્રીમ કોર્ટે બાર કાઉન્સિલ ઓફ ઈન્ડિયા (BCI) ને નિર્દેશ આપ્યો હતો કે ૩૧ જાન્યુઆરી, ૨૦૨૬ સુધીમાં તમામ રાજ્ય બાર કાઉન્સિલની ચૂંટણીઓ, જો એકસાથે નહીં, તો તબક્કાવાર રીતે યોજવામાં આવે. તેવો આદેશ કર્યો હતો.
અગાઉ, સુપ્રીમ કોર્ટને જાણ કરવામાં આવી હતી કે વકીલોના એલએલબી પ્રમાણપત્રોની ચકાસણી માટે ચાલી રહેલા અભિયાનમાં મોટી સંખ્યામાં નકલી ડિગ્રીઓનો પર્દાફાશ થયો છે. સુપ્રીમ કોર્ટ બાર કાઉન્સિલ ઓફ ઈન્ડિયા સર્ટિફિકેટ્સ એન્ડ પ્લેસીસ ઓફ પ્રેક્ટિસ (વેરિફિકેશન) રૂલ્સ, ૨૦૧૫ ના નિયમ ૩૨ ને રદ કરવાની માંગ કરતી અરજીઓ પર સુનાવણી કરી રહી હતી. આ નિયમ ગ્ઘ્ત્ ને એડવોકેટ્સ એક્ટ, ૧૯૬૧ હેઠળ નિર્ધારિત વૈધાનિક મર્યાદાથી આગળ રાજ્ય બાર કાઉન્સિલના સભ્યોનો કાર્યકાળ લંબાવવાની સત્તા આપે છે.
સુપ્રીમ કોર્ટે બુધવારે બાર કાઉન્સિલ ઓફ ઈન્ડિયા (BCI) ને ઠપકો આપ્યો અને સ્પષ્ટ કર્યું કે લાંબા સમયથી પડતર રાજ્ય બાર કાઉન્સિલની ચૂંટણીઓ ૩૧ જાન્યુઆરી, ૨૦૨૬ સુધીમાં પૂર્ણ થવી જોઈએ. જસ્ટિસ સૂર્યકાંત, ઉજ્જલ ભુયાન અને એન. કોટિશવર સિંહની બેન્ચ એ મુદ્દો ઉઠાવતી અરજીઓની સુનાવણી કરી રહી હતી કે ઘણી રાજ્ય બાર કાઉન્સિલો વર્ષોથી ચૂંટાયેલા પ્રતિનિધિઓ વિના કાર્યરત છે. અરજદારો તરફથી હાજર રહેલા વરિષ્ઠ વકીલ માધવી દિવાને જણાવ્યું હતું કે મોટાભાગના રાજ્યોમાં બે વર્ષથી વધુ સમયથી ચૂંટણીઓ યોજાઈ નથી.
બેન્ચે પોતાનો અસંમતિ વ્યક્ત કરતા કહ્યું કે, વકીલોની કાયદાની ડિગ્રીઓની ચકાસણીને ચૂંટણીમાં અનિશ્ચિત સમય માટે વિલંબ કરવાના બહાના તરીકે ઉપયોગ કરી શકાય નહીં. ન્યાયાધીશ સૂર્યકાંતે ટિપ્પણી કરી હતી. ચકાસણી થાય કે ન થાય, ૩૧ જાન્યુઆરી, ૨૦૨૬ સુધીમાં રાજ્ય બાર કાઉન્સિલ માટે ચૂંટણીઓ યોજો. નહિંતર, અમે કોર્ટ કમિશનની નિમણૂક કરીશું. અમારો આદેશ ખૂબ જ સ્પષ્ટ છે, અમારો ઇરાદો ખૂબ જ સ્પષ્ટ છે.
BCI વતી હાજર રહેલા વરિષ્ઠ વકીલ એસ. ગુરુ કળષ્ણકુમારે વધુ સમય માંગ્યો, કોર્ટને ચૂંટણીની સમયમર્યાદા માર્ચ ૨૦૨૬ સુધી લંબાવવા વિનંતી કરી. ન્યાયાધીશોએ અસંમતિ વ્યક્ત કરી. ન્યાયાધીશ સૂર્યકાંતે કડક જવાબ આપ્યો હતો કે જો તમે ૭૫% રાજ્યોમાં ચૂંટણીઓ કરાવો છો, તો અમે જાન્યુઆરીમાં થોડી છૂટછાટ આપવાનું વિચારી શકીએ છીએ. દક્ષિણથી શરૂઆત કરો, અમને વાસ્તવિક પ્રગતિ બતાવો.
કોર્ટે BCI ને ૩૧ ઓક્ટોબર, ૨૦૨૫ સુધીમાં સ્ટેટસ રિપોર્ટ દાખલ કરવાનો પણ નિર્દેશ આપ્યો, જેમાં વિગતો આપવામાં આવી હતી કે કયા રાજ્ય બાર કાઉન્સિલ ચૂંટણીઓ યોજવાનો ઇનકાર કરી રહી છે. આદેશમાં, બેન્ચે કહ્યું કે જો કોઈ રાજ્ય બાર કાઉન્સિલ અનિચ્છા બતાવે છે, તો અમે નક્કી કરીશું કે શું પગલાં લેવા જોઈએ.
આ કેસમાં BCI ના ૨૦૧૫ ના પ્રમાણપત્ર અને પ્રેક્ટિસ સ્થાન નિયમોના નિયમ ૩૨ ને પડકારવામાં આવ્યો છે, જે રાજ્ય બાર કાઉન્સિલના સભ્યોના કાર્યકાળને એડવોકેટ્સ એક્ટ, ૧૯૬૧ હેઠળ નિર્ધારિત મર્યાદાથી વધુ લંબાવવાની મંજૂરી આપે છે. અરજદારોનો દલીલ છે કે નવી ચૂંટણીઓમાં વિલંબ કરવા માટે આ જોગવાઈનો દુરુપયોગ કરવામાં આવ્યો છે.
બુધવારના આદેશ સાથે, સુપ્રીમ કોર્ટે BCI પર કોઈ બહાના વિના ચૂંટણીઓ યોજવાની જવાબદારી મૂકી છે. સ્ટેટસ રિપોર્ટ દાખલ થયા પછી આવતા વર્ષે ઓક્ટોબરમાં આ મુદ્દો ફરીથી વિચારણા માટે આવશે.
(11:38 AM IST)
છેલ્લા 8 દિવસમાં સૌથી લોકપ્રિય 
