ભારતનો સમૃદ્ધ આધ્યાત્મિક વારસો દેશી અને વિદેશી પ્રવાસીઓને આકર્ષે છે, પરંતુ છેલ્લા કેટલાક વર્ષોમાં આધ્યાત્મિક પ્રવાસનમાં (Spiritual Tourism) જંગી ઉછાળો જોવા મળ્યો છે. Justdial દ્વારા બહાર પાડવામાં આવેલા એક વિગતવાર અહેવાલ મુજબ, ભારતીયો હવે યાત્રાધામોની મુલાકાત લેવામાં વધુ રસ દાખવી રહ્યા છે.

યાત્રાધામોની લોકપ્રિયતામાં મોટો વધારો
અહેવાલ અનુસાર, 2025માં આધ્યાત્મિક સ્થળોની મુસાફરી માટેના સર્ચમાં 47% નો વધારો થયો છે. આંકડાઓ દર્શાવે છે કે, ધાર્મિક સ્થળોની યાત્રા માટે લોકોનો ઉત્સાહ ચરમસીમાએ છે:

• ચાર ધામ: ચાર ધામ પેકેજ બુકિંગમાં 73% નો સૌથી મોટો ઉછાળો નોંધાયો છે.

• કેદારનાથ અને અયોધ્યા: બાબા કેદારનાથ અને ભવ્ય અયોધ્યા માં અનુક્રમે 39% અને 40% નો વધારો જોવા મળ્યો છે.

• શિરડી: અન્ય લોકપ્રિય યાત્રાધામ શિરડીમાં પણ યાત્રીઓની સંખ્યામાં 10% નો ઉછાળો નોંધાયો છે.

ભારતની સમૃદ્ધ સંસ્કૃતિ અને ઐતિહાસિક મંદિરોમાં લોકોનો વધેલો રસ સ્પષ્ટપણે દર્શાવે છે કે દેશમાં આધ્યાત્મિક પ્રવાસન એક મોટા ટ્રેન્ડ તરીકે ઉભરી રહ્યું છે.