ન્યૂજર્સીમાં ગુજરાતીના સ્ટોરમાં ઘૂસેલા ચોર સેફ તોડીને ૧૩,૦૦૦ ડોલર લઈ ગયા
સ્ટોરના ઓનરે ચોરી પાછળ કોઈ જાણભેદૂ હોવાની આશંકા વ્યક્ત કરી, ચોર કેશની સાથે કેમેરા સિસ્ટમનું સર્વર પણ લેતા ગયા
ન્યૂજર્સી તા.૩૦: ન્યૂજર્સીની એટલાન્ટિક કાઉન્ટીમાં આવેલી એગ હાર્બર ટાઉનશિપમાં એક ગુજરાતીના સ્ટોરમાંથી સેફમાં ડ્રીલ કરી તેમાંથી ૧૩ હજાર ડોલર કેસ ચોરી લેવામાં આવ્યા હોવાની પોલીસ ફરિયાદ નોંધાઈ છે. ન્યૂજર્સીના લોકલ મીડિયા રિપોર્ટ્સ અનુસાર M&S પ્રોડ્યૂસ એન્ડ ડેલી આઉટલેટમાં રવિવારે આ ચોરી થઈ હતી, સ્ટોરના ઓનર દીપેન પટેલે આ અંગે મીડિયા સાથે વાત કરતા જણાવ્યું હતું કે ચોર સિક્યોરિટી સિસ્ટમને બંધ કરીને હોલ પાડી સ્ટોરમાં ઘૂસી ગયા હતા.
તેમણે એવી પણ આશંકા વ્યક્ત કરી હતી કે આ ઘટનામાં કોઈ જાણભેદૂનો હાથ હોઈ શકે છે કારણકે જે રીતે સિક્યોરિટી સિસ્ટમને બંધ કરીને આ ચોરીને અંજામ આપવામાં આવ્યો હતો તેમ કરવું કોઈ અજાણ્યા વ્યક્તિ માટે ખૂબ જ મુશ્કેલ છે. દીપેન પટેલનું કહેવું હતું કે સ્ટોરમાં ઘૂસેલા ચોર જ્યાં કેશ રાખવામાં આવતી હતી ત્યાં જ ગયા હતા અને પોતાનું કામ પૂરું કરીને નીકળી ગયા હતા.
દીપેન પટેલના સ્ટોરમાં ઘૂસેલા ચોર પાવર સપ્લાય બંધ કરવાની સાથે કેમેરા સર્વર તેમજ હજારો ડોલરની કેશ લઈને ભાગી ગયા હતા, રાતે ચોરી થયા બાદ સવારે સાત વાગ્યે એમ્પ્લોઈ સ્ટોર ઓપન કરવા માટે પહોંચ્યા ત્યારે તેમને ચોરી થઈ હોવાની જાણ થઈ હતી. જોકે, શનિવારે સ્ટોર ક્લોઝ થયો ત્યારે તેની કેમેરા સિસ્ટમ ભેદી સંજોગોમાં ઓફલાઈન થઈ ગઈ હોવાથી સ્ટોરના ઓનરને દાળમાં કંઈક કાળું હોવાની આશંકા છે. આ ચોરી રવિવારે વહેલી સવારે ત્રણ વાગ્યાની આસપાસ થઈ હતી, તે વખતે એક ટ્રક ડ્રાઈવર પણ સ્ટોરની પાસે સ્પોટ થયો હતો જેણે બેક ડોર ખૂલ્લો દેખાયો હતો.
સ્ટોરના ઓનરનું કહેવું છે કે ચોરીની તપાસ કરવા માટે પહોંચેલી પોલીસને બ્લડ સેમ્પલ પણ મળી આવ્યા છે અને કેટલાક ઝફખ્ સેમ્પલ પણ કલેક્ટ કરવામાં આવ્યા છે. પોલીસ તપાસ ચાલુ હોવાથી રવિવારે સવારે સ્ટોર બંધ હતો પંરતુ ત્યારબાદ તેને કસ્ટમર્સ માટે ખોલી દેવાયો હતો.
(9:40 AM IST)
છેલ્લા 8 દિવસમાં સૌથી લોકપ્રિય 
