અમેરિકી સરકાર મંગળવારે મધ્યરાત્રિએ શટડાઉન કરે તેવી સંભાવના છે. જો કોંગ્રેસ નવું ફંડિંગ બિલ પસાર નહીં કરે તો 30 સપ્ટેમ્બરે સરકારી ફંડિંગ ખતમ થઈ જશે. ડેમોક્રેટ્સ અને રિપબ્લિકન્સ વચ્ચે માંગો પર વિવાદ વધ્યો છે, જેનાથી લાખો સરકારી કર્મચારીઓના વેતન અને સામાજિક યોજનાઓ પર સીધી અસર થશે. આ વખતે શટડાઉનનું સંકટ વધુ ગંભીર છે, કારણ કે વ્હાઇટ હાઉસે એજન્સીઓને મોટા પાયે છટણીની તૈયારી કરવાનો આદેશ આપ્યો છે.

અમેરિકી સરકાર મંગળવારે મધ્યરાત્રિએ શટડાઉનના સંકટનો સામનો કરી રહી છે, કારણ કે ફંડિંગ ખતમ થવાની કગાર પર છે. ડેમોક્રેટ્સ અને રિપબ્લિકન્સ પોતાની માંગો પર અડગ છે, જેના કારણે કોંગ્રેસમાં સમાધાન થઈ રહ્યું નથી. શટડાઉનથી લાખો સરકારી કર્મચારીઓના વેતન અને સામાજિક યોજનાઓ પર ગંભીર અસર પડશે.

સોમવારે વ્હાઇટ હાઉસમાં રાષ્ટ્રપતિ ડોનાલ્ડ ટ્રમ્પે કોંગ્રેસના નેતાઓ સાથે સમાધાનનો અંતિમ પ્રયાસ કર્યો, પરંતુ કોઈ સમાધાન ના નીકળ્યું. સેનેટના ટોપ ડેમોક્રેટ ચક શુમરે કહ્યું, "બંને પક્ષો વચ્ચે મોટા મતભેદો છે. અમારી પાર્ટી માઈનોરીટીમાં હોવા છતાં સરકાર પર અસર કરવાનો પ્રયાસ કરી રહી છે." ટ્રમ્પના બીજા કાર્યકાળના આઠ મહિનામાં અનેક એજન્સીઓને ખતમ કરવામાં આવી છે, જે આ સંકટને વધુ જટિલ બનાવે છે. ઉપરાષ્ટ્રપતિ જેડી વાન્સે ડેમોક્રેટ્સ પર "અમેરિકન જનતાને ધમકાવવાનો" આરોપ લગાવ્યો છે. 

સેનેટના નિયમો અનુસાર, ફંડિંગ બિલ પસાર કરવા માટે 60 વોટ જરૂરી છે, જ્યારે રિપબ્લિકન્સ પાસે માત્ર 53 છે. જો અર્ધરાત્રી પહેલાં બિલ ના પસાર થાય, તો વોશિંગ્ટનમાં નવું રાજકીય સંકટ ઊભું થશે. ઓફિસ ઓફ મેનેજમેન્ટ એન્ડ બજેટ (OMB)એ એજન્સીઓને રિડક્શન-ઇન-ફોર્સ (RIF) પ્લાન તૈયાર કરવાનો આદેશ આપ્યો છે, જેમાં શટડાઉન દરમિયાન કાયમી છટણી થશે. આ પહેલાના શટડાઉન કરતાં વધુ કડક છે, જેમાં સોશિયલ સિક્યોરિટી, મેડિકેર અને વેટરન્સ બેનિફિટ્સ જેવા કાયદાકીય કાર્યો ચાલુ રહેશે, પરંતુ અન્ય વિભાગો બંધ થશે.

શટડાઉન થાય તો ગેરજરૂરી સરકારી કાર્યો બંધ થઈ જશે. લાખો ફેડરલ કર્મચારીઓને વેતન વિના કામ કરવું પડશે, જેમાં એરપોર્ટ સિક્યોરિટી, એર ટ્રાફિક કંટ્રોલ અને ICE એજન્ટ્સનો સમાવેશ થાય છે. નેશનલ પાર્ક્સ અને સ્મિથસોનિયન મ્યુઝિયમ્સ બંધ થશે. આર્થિક વિશ્લેષકો કહે છે કે આ સંકટ અર્થતંત્રને ગંભીર નુકસાન પહોંચાડશે, ખાસ કરીને જ્યારે અર્થવ્યવસ્થા પૂર્ણ ગતિએ નથી ચાલી રહી. ગોલ્ડમન સેક્સના વિશ્લેષકો અનુસાર, મિલિટરી પે ડેટ 15 ઓક્ટોબરે જોખમમાં આવશે. વિશ્વવ્યાપી અસરથી ટ્રાવેલ અને ટ્રેડ પર પણ અસર પડશે. આ વર્ષે શરૂઆતમાં એલન મસ્કના ડિપાર્ટમેન્ટ ઓફ ગવર્નમેન્ટ એફિશિયન્સી (DOGE)એ 300,000 થી વધુ કર્મચારીઓની છટણી કરી છે, જે આ સંકટને વધુ તીવ્ર બનાવે છે