*દેશભરમાં વિજયાદશમી અને ગાંધી જયંતિની ઉત્સાહપૂર્વક ઉજવણી*

નવી દિલ્હી: આજે સમગ્ર દેશમાં વિજયાદશમી (દશેરા)નો પર્વ મનાવવામાં આવી રહ્યો છે. આ તહેવાર બુરાઈ પર અચ્છાઈની જીતના પ્રતિક રૂપે ઉજવાય છે. આજે સાંજે દેશમાં અનેક સ્થળોએ રાવણ, મેઘનાદ અને કુંભકર્ણના પૂતળાઓનું દહન કરવામાં આવશે. આ સાથે જ, રાષ્ટ્રપિતા મહાત્મા ગાંધીની જયંતિ નિમિત્તે પણ દેશભરમાં વિવિધ કાર્યક્રમોનું આયોજન થઈ રહ્યું છે.

*નરેન્દ્રભાઈએ રાજઘાટ ખાતે મહાત્મા ગાંધીને શ્રદ્ધાંજલિ આપી*

નવી દિલ્હી: પ્રધાનમંત્રી શ્રી નરેન્દ્ર મોદીએ આજે મહાત્મા ગાંધીની જન્મજયંતિ પર દિલ્હી સ્થિત તેમના સમાધિ સ્થળ રાજઘાટ ખાતે જઈને તેમને શ્રદ્ધાંજલિ અર્પણ કરી હતી.

*વિશ્વવિખ્યાત શાસ્ત્રીય ગાયક પંડિત છન્નૂલાલ મિશ્રનું નિધન*

મિર્ઝાપુર: દેશના પ્રખ્યાત શાસ્ત્રીય ગાયક પંડિત છન્નૂલાલ મિશ્રનું આજે સવારે ૪ વાગ્યે મિર્ઝાપુરમાં નિધન થયું છે. તેઓ ઘણા મહિનાઓથી બીમાર હતા. તેમના અંતિમ સંસ્કાર આજે વારાણસીમાં કરવામાં આવશે.

*મહારાષ્ટ્રના ભિવંડીમાં કાગળની ફેક્ટરીમાં આગ*

ભિવંડી: મહારાષ્ટ્રના ભિવંડીમાં આવેલી એક કાગળની ફેક્ટરીમાં ભીષણ આગ લાગવાની ઘટના બની છે. ફાયર બ્રિગેડની ગાડીઓ ઘટનાસ્થળે પહોંચીને આગ બુઝાવવાની કામગીરી કરી રહી છે.

*નાગપુરમાં આરએસએસનો વિજયાદશમી કાર્યક્રમ: પૂર્વ રાષ્ટ્રપતિ મુખ્ય અતિથિ*

નાગપુર: આજે નાગપુરમાં રાષ્ટ્રીય સ્વયંસેવક સંઘ (આરએસએસ)નો વિજયાદશમી કાર્યક્રમ યોજાઈ રહ્યો છે. આ કાર્યક્રમમાં મુખ્ય અતિથિ તરીકે પૂર્વ રાષ્ટ્રપતિ શ્રી રામનાથ કોવિંદ ઉપસ્થિત રહ્યા છે.