મુકુંદ બદીયાણી દ્વારા, જામનગર : GST વિભાગ દ્વારા આજે વહેલી સવારથી જ જામનગર શહેરમાં મોટી અને સઘન કાર્યવાહી હાથ ધરવામાં આવી છે. GST એન્ફોર્સમેન્ટ ટીમે એકસાથે ૨૫ જેટલી પેઢીઓમાં ચકાસણી શરૂ કરતાં વેપારી આલમમાં હડકંપ મચી ગયો છે. બિલ્ડર અને બ્રાસના સ્ક્રેપના વ્યવસાય સાથે સંકળાયેલા ધંધાર્થીઓને ત્યાં આ દરોડા પાડવામાં આવ્યા છે.
કાર્યવાહીના મુખ્ય મુદ્દાઓ:
 * આ કાર્યવાહીમાં અમદાવાદની GST ટુકડીઓ સહિત રાજકોટ, ભાવનગર અને જૂનાગઢની ટીમો મળીને કુલ સાત ટીમો સર્ચ ઓપરેશન ચલાવી રહી છે.
 * જામનગરના સીએ અલ્પેશ પેઢડિયા દ્વારા અનેક પેઢીઓમાં બેનામી હિસાબો ચાલી રહ્યા હોવાની આશંકાને ધ્યાનમાં રાખીને આ દરોડા પાડવામાં આવ્યા છે. અલ્પેશ પેઢડિયાની એસ્પાયર ઇનકોર્પોરેશન સહિતની ફર્મ્સ પણ તપાસના દાયરામાં છે.
 * એક મહત્ત્વની પેઢી BRAHM એસોસિએટેડ સામે કાર્યવાહી શરૂ થતાં જ તેના સંચાલકો તાળા મારીને નાસી ગયા હોવાનું સામે આવ્યું છે.
 * અહેવાલો મુજબ, તપાસ દરમિયાન કેટલીક પેઢીઓના માલિકોએ કબૂલ્યું કે તેઓને વિશ્વાસમાં લીધા વગર ચાર્ટર્ડ એકાઉન્ટન્ટ દ્વારા જ વ્યવહારો કરવામાં આવતા હતા.
 * પ્રાથમિક આશંકા મુજબ, આ સમગ્ર કૌભાંડ ₹૧૦૦ કરોડથી વધુનું મોટું GST ક્રેડિટ ઇનપુટ કૌભાંડ હોઈ શકે છે.
 * આ કાર્યવાહીમાં કેટલીક બોગસ પેઢીઓ પણ ચાલી રહી હોવાની શક્યતા વ્યક્ત કરાઈ છે, જેના કારણે આગામી પાંચ દિવસ સુધી ચાલનારી આ તપાસમાં મોટા માથાઓ સામે કાર્યવાહી થઈ શકે છે.