શેખર જ્યોતિ ગોસ્વામી કહે છે ગર્ગને ઝેર આપી મર્ડર કરવામાં આવ્યું છે અકસ્માત કે હત્યા? સિંગર ઝુબીન ગર્ગના મેનેજરની ધરપકડઃ સાથીદાર
ઝુબીનના નજીકના સહયોગી અને બેન્ડમેટ શેખર જ્યોતિ ગોસ્વામીએ સીટને આપેલા નિવેદનમાં આરોપ લગાવ્યો છે કે શર્મા અને ફેસ્ટિવલના આયોજક શ્યામકાનુ મહંતે ‘‘ગર્ગને મારી નાખવા ઝેર આપ્યું હતું'' અને કાવતરું છુપાવવા માટે જાણી જોઈને વિદેશી સ્થળની પસંદગી કરી હતી
ગુવાહાટી તા. ૪: આસામના લોકપ્રિય સિંગર ઝુબીન ગર્ગના રહસ્યમય મળત્યુ કેસમાં મોટો વળાંક આવ્યો છે. ગર્ગના લાંબા સમયથી મેનેજર રહેલા સિદ્ધાર્થ શર્માની ક્રિમિનલ કાવતરું, હત્યા અને સાપરાધ મનુષ્યવધના આરોપો હેઠળ સ્પેશિયલ ઇન્વેસ્ટિગેશન ટીમ (સીટ) દ્વારા ધરપકડ કરવામાં આવી છે. આ ધરપકડ એક મુખ્ય સાક્ષીના નિવેદન પછી કરવામાં આવી છે, જેમાં દાવો કરવામાં આવ્યો હતો કે ગર્ગને ‘‘ઝેર'' આપવામાં આવ્યું હતું.
ઝુબીન ગર્ગ (ઉં.વ. ૫૨)નું મળત્યુ ૧૯ સપ્ટેમ્બરના રોજ સિંગાપોરના લેઝારસ આઇલેન્ડ નજીક એક યાટ આઉટિંગ દરમિયાન થયું હતું, જે જે નોર્થઇસ્ટ ઇન્ડિયા ફેસ્ટિવલના ભાગરૂપે આયોજિત હતું. પ્રારંભિક અહેવાલોમાં મળત્યુનું કારણ ડૂબવું જણાવાયું હતું, પરંતુ એસઆઇટી દ્વારા રજૂ કરવામાં આવેલી રિમાન્ડ નોટમાં વધુ ગંભીર ચિત્ર રજૂ થાય છે.
મેનેજર શર્મા પર ગંભીર આક્ષેપો અને રિમાન્ડ નોટની વિગતો
ઝેર આપવાનો આરોપઃ ગર્ગના નજીકના સહયોગી અને બેન્ડમેટ શેખર જ્યોતિ ગોસ્વામીએ સીટને આપેલા નિવેદનમાં આરોપ લગાવ્યો છે કે શર્મા અને ફેસ્ટિવલના આયોજક શ્યામકાનુ મહંતે ‘‘ગર્ગને ઝેર આપ્યું હતું અને કાવતરું છુપાવવા માટે જાણી જોઈને વિદેશી સ્થળની પસંદગી કરી હતી.''
દારૂ અને મહિલાઓની વ્યવસ્થાઃ રિમાન્ડ નોટમાં જણાવ્યા મુજબ, શર્મા ગર્ગના મળત્યુ પહેલાં તેમને દારૂ અને ‘‘અયોગ્ય સંગત'' પૂરી પાડવા અંગે કોઈ સંતોષકારક ખુલાસો આપી શકયો નથી. સહ-ગાયિકા અમળત પ્રભા મહંત અને અભિનેત્રી નિશિતા ગોસ્વામીના નિવેદનોથી પણ આ વાતની પુષ્ટિ થાય છે કે શર્માએ ગર્ગને દારૂ અને અયોગ્ય સંગત (જેમાં સિંગાપોરની એક હોટેલમાં મહિલા સહ-ગાયિકા સાથેની રૂમ શેરિંગની વ્યવસ્થાનો પણ સમાવેશ થાય છે) પૂરી પાડવામાં મદદ કરી હતી.
શંકાસ્પદ વર્તનઃ ગોસ્વામીએ વધુમાં આરોપ લગાવ્યો છે કે શર્માએ પોતે જાતે જ દારૂ સપ્લાય કરશે તેવો આગ્રહ રાખ્યો હતો અને આયોજકોને ડ્રિંકની વ્યવસ્થા ન કરવા કહ્યું હતું, જેનાથી પૂરી પાડવામાં આવેલા પીણાંની સામગ્રી પર શંકા ઊભી થઈ હતી.
અંતિમ ક્ષણોઃ ગર્ગ જ્યારે શ્વાસ લેવામાં તકલીફ અનુભવી રહ્યા હતા અને મોં-નાકમાંથી ફીણ નીકળી રહ્યા હતા, ત્યારે શર્માએ કથિત રીતે આ લક્ષણોને ‘‘એસિડ રિફ્લક્સ'' ગણાવીને નકારી કાઢયા હતા અને તેમને ‘‘જાબો દે, જાબો દે'' (એને જવા દો, એને જવા દો) એમ કહેતા સાંભળવામાં આવ્યા હતા. આ નિવેદન હવે તપાસમાં કેન્દ્રીય મુદ્દો બન્યું છે.
સાબિતીઃ દસ્તાવેજી રેકોર્ડ્સ, નાણાકીય વ્યવહારો અને સાક્ષીઓના નિવેદનો સહિતના ભૌતિક પુરાવા પ્રાથમિક દૃષ્ટિએ (પ્રાઈમા ફેસી) શર્માની સંડોવણી સ્થાપિત કરે છે, અને હવે આ કેસને પૂર્વનિયોજિત હત્યા તરીકે ગણવામાં આવી રહ્યો છે.
ગર્ગ એક નિષ્ણાત તરવૈયાઃ ગોસ્વામીએ ભારપૂર્વક જણાવ્યું હતું કે ઝુબીન ગર્ગ એક નિષ્ણાત તરવૈયા હતા અને તેમણે પોતાને તેમજ શર્માને પણ તાલીમ આપી હતી, જેથી તેમનું આકસ્મિક ડૂબવું અત્યંત અસંભવિત લાગે છે.
સીટ દ્વારા શર્માની ધરપકડ કરવામાં આવી છે અને આ કેસની તપાસ વધુ ઊંડાણપૂર્વક ચાલી રહી છે. આ ઘટનાએ આસામના સાંસ્કળતિક જગતમાં મોટી ખળભળાટ મચાવી દીધી છે. (૭.૩પ)
(2:35 PM IST)
છેલ્લા 8 દિવસમાં સૌથી લોકપ્રિય 
