બેંગલુરુ: ૧૦ ઑક્ટોબર, ૨૦૨૫: આજના ડિજિટલ યુગમાં, એક નાનકડી ટેકનિકલ ખામી પણ કેવી રીતે મોટો હોબાળો મચાવી શકે છે, તેનું તાજેતરનું ઉદાહરણ જોવા મળ્યું છે! ગુરુવારે, માઈક્રોસોફ્ટના સૌથી મહત્વપૂર્ણ પ્રોડક્ટિવિટી સોફ્ટવેર સ્યૂટ Microsoft 365 માં ગંભીર આઉટેજ (સેવાઓમાં અવરોધ) નોંધાયો હતો.

આઉટેજ ટ્રેકિંગ વેબસાઇટ Downdetector.com મુજબ, ૧૬,૦૦૦ થી વધુ યુઝર્સે Microsoft 365 માં સમસ્યા હોવાના રિપોર્ટ કર્યા હતા. જેના કારણે વિશ્વભરના હજારો પ્રોફેશનલ્સનું કામકાજ અટકી ગયું હતું.

તાત્કાલિક અસર અને હોબાળો:
માઈક્રોસોફ્ટ ૩૬૫ માં આઉટેજ આવતાની સાથે જ, યુઝર્સને તેમના મહત્ત્વના ક્લાઉડ-આધારિત ટૂલ્સ, જેમ કે આઉટલુક (Outlook), ટીમ્સ (Teams), અને ઓફિસ એપ્સ ને એક્સેસ કરવામાં ભારે મુશ્કેલી પડી હતી. આનાથી ઈમેલ મોકલવા, વીડિયો કોન્ફરન્સ કરવા અને દસ્તાવેજો પર કામકાજ કરવા જેવી દૈનિક ઓફિસની પ્રવૃત્તિઓ પર સીધી અસર પડી હતી.

કંપનીએ તરત જ તેના X (ટ્વિટર) સ્ટેટસ પેજ પર આ સમસ્યાની તપાસ શરૂ કરી દીધી હોવાની માહિતી આપી હતી. જોકે, આ ટેકનિકલ ખામીનું મૂળ કારણ શું હતું અને આટલા મોટા પાયે આઉટેજ કેમ આવ્યો, તે અંગેની સંપૂર્ણ વિગતો હજુ જાહેર કરવામાં આવી નથી.

રિપોર્ટ અનુસાર, માઇક્રોસોફ્ટની આ ક્લાઉડ સર્વિસમાં આવેલો આ વિક્ષેપ ટૂંક સમયમાં ઉકેલાઈ ગયો હોવાના સંકેતો મળ્યા છે, પરંતુ આ ઘટનાએ ફરી એકવાર ટેકનોલોજી પરની આપણી નિર્ભરતા અને વૈશ્વિક કામકાજની પ્રણાલી પર તેના પ્રભાવને સ્પષ્ટ કરી દીધો છે