કેનબેરા: ભારત અને ઓસ્ટ્રેલિયાએ તેમના સંરક્ષણ સહયોગને નવી ઊંચાઈઓ પર લઈ જવાનો મહત્ત્વપૂર્ણ નિર્ણય લીધો છે. સંરક્ષણ પ્રધાન રાજ્યનાથ સિંહની ઓસ્ટ્રેલિયા મુલાકાત દરમિયાન, બંને દેશોએ વ્યૂહાત્મક તાલીમ સંબંધોને વધુ ગાઢ બનાવવા માટે એક મોટો કરાર કર્યો છે.

ભારતીય વિદ્યાર્થીઓ માટે ઐતિહાસિક પ્રવેશ
આ કરાર હેઠળ, ભારતીય સૈન્યના જવાનોને ઓસ્ટ્રેલિયાની અગ્રણી સંરક્ષણ સંસ્થાઓમાં અભ્યાસ માટે ઐતિહાસિક તકો મળશે:

• ૨૦૨૬ થી: ભારતીય વિદ્યાર્થીઓનો પ્રવેશ ઓસ્ટ્રેલિયન ડિફેન્સ કોલેજ (ADC) માં શરૂ થશે.

• ૨૦૨૭ થી: પ્રથમ વખત ભારતીય કેડેટ્સને ઓસ્ટ્રેલિયન ડિફેન્સ ફોર્સ એકેડેમી (ADFA) માં પણ સ્થાન મળશે.

આ પગલું ભારત-ઓસ્ટ્રેલિયા વચ્ચેના લશ્કરી જોડાણને અભ્યાસક્રમ, ક્ષમતા નિર્માણ અને સંયુક્ત કવાયતોથી પણ આગળ લઈ જશે.

સંરક્ષણ પ્રધાન રાજનાથ સિંહની ટિપ્પણી
ઓસ્ટ્રેલિયાના સમકક્ષ રિચાર્ડ માર્લ્સ સાથેની વાતચીતને "ઉત્પાદક" ગણાવતા રાજનાથ સિંહે કહ્યું કે, "અમે સંરક્ષણ ઉદ્યોગ, સાયબર સંરક્ષણ, દરિયાઈ સુરક્ષા અને પ્રાદેશિક પડકારો સહિત ભારત-ઓસ્ટ્રેલિયા સંરક્ષણ સહયોગના સંપૂર્ણ સ્પેક્ટ્રમની સમીક્ષા કરી."

બંને દેશોએ ભારત-ઓસ્ટ્રેલિયાની વ્યાપક વ્યૂહાત્મક ભાગીદારીના મહત્ત્વ પર ભાર મૂક્યો. ઓસ્ટ્રેલિયાની આ અગ્રણી સંસ્થાઓમાં ભારતીય વિદ્યાર્થીઓનો પ્રવેશ એ ક્ષેત્રીય સુરક્ષા અને બંને રાષ્ટ્રો વચ્ચેના વિશ્વાસને મજબૂત કરવા તરફનું એક મજબૂત પગલું છે.