અમદાવાદ, તા.૧૧: ૭૦મો ફિલ્‍મફેર એવોર્ડ સમારોહ આજે  અમદાવાદમાં યોજાશે. આ સમારોહ શહેરના EKA એરેના સ્‍ટેડિયમ ખાતે સાંજે ૭:૩૦ વાગ્‍યે શરૂ થશે. ફિલ્‍મફેર એવોર્ડ્‍સમાં હાજરી આપવા માટે મુંબઈની સેલિબ્રિટીઓ અમદાવાદ આવવા લાગી છે. અભિનેતા અનુપમ ખેર અને મોહનીશ બહલ અમદાવાદ એરપોર્ટ પર જોવા મળ્‍યા હતા.

શાહરૂખ ખાન ૧૭ વર્ષ પછી આ સમારોહનું આયોજન કરશે, જેની ટિકિટ રૂ.૫,૦૦૦ થી રૂ.૫૦,૦૦૦ ની વચ્‍ચે વેચાઈ રહી છે. હાજરી આપવા માટે ઘણી સેલિબ્રિટીઓ અમદાવાદ આવી ચૂકી છે.

ફિલ્‍મફેર એવોર્ડ્‍સ માટે નોમિનેશન યાદી ૨૮ સપ્‍ટેમ્‍બરના રોજ રિલીઝ થઈ હતી. ફિલ્‍મ ‘મિસિંગ લેડીઝ' એ શ્રેષ્ઠ ફિલ્‍મ માટે ૨૪ નોમિનેશન મેળવીને રેકોર્ડ બનાવ્‍યો હતો. આનાથી તે ફિલ્‍મફેરના ૭૦ વર્ષના ઇતિહાસમાં સૌથી વધુ નોમિનેટેડ ફિલ્‍મ બની છે.

અગાઉ, શાહરૂખ ખાનની ફિલ્‍મ ‘કભી અલવિદા ના કહેના' ૨૩ નોમિનેશન સાથે ટોચના સ્‍થાને હતી. જો ‘મિસિંગ લેડીઝ' ૧૩ થી વધુ એવોર્ડ જીતે છે, તો તે ગલી બોયનો રેકોર્ડ તોડી શકે છે. આ વર્ષે, સ્ત્રી૨' ને શ્રેષ્ઠ ફિલ્‍મ માટે આઠ નામાંકન મળ્‍યા, જ્‍યારે ‘ભૂલ ભુલૈયા ૩'ને પાંચ નામાંકન મળ્‍યા.

ટિકિટ ૫,૦૦૦ થી ૫૦,૦૦૦ રૂપિયાની વચ્‍ચે વેચાઈ રહી છે. દર્શકો આ કાર્યક્રમમાં હાજરી આપવા માટે ઉત્‍સુક છે. શોની ટિકિટ ૫,૦૦૦ થી ૫૦,૦૦૦ રૂપિયાની વચ્‍ચે વેચાઈ રહી છે. બોલિવૂડની અનેક હસ્‍તીઓ અમદાવાદ આવી ચૂકી છે, જેનાથી શહેરમાં સંપૂર્ણપણે ફિલ્‍મી માહોલ છવાઈ ગયો છે.(૨૩.૨૧)