વોશિંગટન ડી.સી તા.૧૫: આંતરરાષ્‍ટ્રીય નાણાકીય ભંડોળ (IMF) તરફથી ભારતીય અર્થતંત્ર માટે સારા સમાચાર આવ્‍યા છે. તેના તાજેતરના વર્લ્‍ડ ઇકોનોમિક આઉટલુક (WEO) રિપોર્ટમાં, IMF એ ૨૦૨૫-૨૬ માટે ભારતના જીડીપી વળદ્ધિ દરનો અંદાજ ૬.૪ ટકાથી વધારીને ૬.૬ ટકા કર્યો છે. આ સુધારો દર્શાવે છે કે યુનાઇટેડ સ્‍ટેટ્‍સ દ્વારા ભારતીય નિકાસ પર લાદવામાં આવેલા નવા ટેરિફની અસર છતાં, ભારતનું અર્થતંત્ર મજબૂત ગતિ જાળવી રહ્યું છે.

IMF રિપોર્ટ અનુસાર, એપ્રિલ-જૂન ક્‍વાર્ટરમાં ભારતના અર્થતંત્રમાં ૭.૮ ટકાનો મજબૂત વિકાસ નોંધાયો હતો, જે છેલ્લા પાંચ ક્‍વાર્ટરમાં શ્રેષ્ઠ પ્રદર્શન છે. ભારતના અર્થતંત્રની આ ગતિએ યુએસ ટેરિફની અસરને ઓછી કરી દીધી છે. ભારતમાં મજબૂત સ્‍થાનિક માંગ, તેજીમાં રહેલો ઉત્‍પાદન ક્ષેત્ર અને સરકારની મૂડી ખર્ચ નીતિઓએ આ ગતિ જાળવી રાખી છે. ભારતીય અર્થતંત્રના મજબૂત -દર્શન પાછળ આ ત્રણ મુખ્‍ય કારણો જવાબદાર છે.

IMF એ જણાવ્‍યું છે કે, ૨૦૨૫ માટે અમારી આગાહી પહેલા કરતા સારી છે. પ્રથમ ક્‍વાર્ટરની મજબૂત શરૂઆત ટેરિફની અસરને સરભર કરે છે. ફક્‍ત IMF જ નહીં, પરંતુ વિશ્વ બેંકે પણ આ મહિનાની શરૂઆતમાં ચાલુ નાણાકીય વર્ષ (૨૦૨૪-૨૫) માટે ભારતના GDP અનુમાનને ૬.૩ ટકાથી વધારીને ૬.૫ ટકા કર્યું હતું. વિશ્વ બેંકના મતે, ભારત નજીકના ભવિષ્‍યમાં વિશ્વની સૌથી ઝડપથી વિકસતી મુખ્‍ય અર્થવ્‍યવસ્‍થા રહેશે.

જોકે, IMF એ ૨૦૨૬-૨૭ માટે GDP વળદ્ધિ દરનો અંદાજ ૬.૪ ટકાથી ઘટાડીને ૬.૨ ટકા કર્યો છે. આ થોડો ઘટાડો વૈશ્વિક વેપાર અને અન્‍ય આર્થિક પડકારોમાં અનિશ્‍ચિતતાઓને કારણે છે. ત્‍પ્‍જ્‍ એ વૈશ્વિક સ્‍તરે પણ વળદ્ધિના અંદાજો શેર કર્યા છે. IMFના રિપોર્ટ મુજબ, વૈશ્વિક આર્થિક વળદ્ધિ ૨૦૨૪માં ૩.૩ ટકાથી ઘટીને ૨૦૨૫માં ૩.૨ ટકા અને ૨૦૨૬માં ૩.૧ ટકા થવાની ધારણા છે. IMF એ આ મંદીને સંરક્ષણવાદી નીતિઓ, વેપાર અનિશ્‍ચિતતા અને મેક્રોઇકોનોમિક પડકારોને આભારી છે