નવી દિલ્હી: ભારતમાં ખાણી-પીણીની વસ્તુઓનું નિયમન કરતી સરકારી સંસ્થા, ભારતીય ખાદ્ય સુરક્ષા અને માનક સત્તામંડળ (એફએસએસએઆઇ) એ એક મોટો આદેશ બહાર પાડ્યો છે.
આ આદેશ મુજબ, હવેથી કોઈ પણ ફૂડ કંપની પોતાની પ્રોડક્ટને ઓરલ રિહાઇડ્રેશન સોલ્ટ્‌સ (ઓઆરએસ) ના નામથી વેચી શકશે નહીં, સિવાય કે તે પ્રોડક્ટને વિશ્વ આરોગ્ય સંસ્થા (ડબલ્યુએચઓ) દ્વારા મંજૂરી (એપ્રૂવલ) મળી હોય.
આ આદેશ શા માટે જરૂરી છે?
આ પગલું ગ્રાહકોના સ્વાસ્થ્યની સુરક્ષા માટે લેવામાં આવ્યું છે.
ઓઆરએસ એ એક ખાસ દવા જેવું મિશ્રણ છે, જેનો ઉપયોગ ઝાડા-ઊલટી (ડિહાઇડ્રેશન) થાય ત્યારે શરીરમાં પાણી અને ક્ષારની ઉણપ દૂર કરવા માટે થાય છે. આ એક તબીબી ફોર્મ્યુલા છે.
 એફએસએસએઆઇના આ નવા નિયમથી ખાતરી થશે કે બજારમાં ઓઆરએસના નામે વેચાતી પ્રોડક્ટ્સ ખરેખર તબીબી માપદંડો પ્રમાણેની છે, અને ગ્રાહકો ખોટા કે નબળી ગુણવત્તાવાળા ઉત્પાદનોથી ગેરમાર્ગે દોરાય નહીં.
ટૂંકમાં આવા જે ઉત્પાદનો ડબલ્યુએચઓ દ્વારા માન્ય નથી, તેને ગ્રાહકોને 'જીવન બચાવતી દવા' તરીકે ઓળખાતા ઓઆરએસના નામે વેચી શકાશે નહીં