છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
મહત્વના સમાચારો ઊડતી નજરે.... 9:30 AM
સાવધાન! દિવાળી પહેલા દિલ્હીમાં હવાની ગુણવત્તા ખરાબઃ AQI ૩૮૦ને પાર
આનંદ વિહારમાં AQI ૩૯૦ પર પહોંચ્યોઃ જનતાને સાવધાની રાખવાની અપીલ
નવી દિલ્હી, તા.૧૮: દિલ્હી-NCRમાં શિયાળાના આગમનથી લોકોનું જીવન મુશ્કેલ બન્યું છે. દિવાળી પહેલા પણ વાયુ પ્રદૂષણ વધુ ખરાબ થવા લાગ્યું છે. હવા ગુણવત્તા સૂચકાંક ૩૫૦ ને વટાવી ગયો છે, જેના કારણે લોકો માટે સ્વાસ્થ્ય સમસ્યાઓ ઊભી થઈ છે. ગઈ કાલે દિલ્હીમાં AQI ૩૬૭ પર પહોંચ્યો હતો, અને આનંદ વિહારમાં AQI ૩૯૦ પર પહોંચ્યો હતો. આવી સ્થિતિમાં, જનતાને સાવધાની રાખવાની સલાહ આપવામાં આવી રહી છે.
હવાની ગુણવત્તા ખૂબ જ ખરાબ શ્રેણીમાં હોવાથી, આરોગ્ય નિષ્ણાતોએ ભલામણ કરી છે કે લોકો બહારની પ્રવળત્તિઓ માટે ઘરની બહાર નીકળતી વખતે માસ્ક પહેરે. આ માત્ર સ્વાસ્થ્ય સુરક્ષા માટે જરૂરી નથી પણ પ્રદૂષણની અસરોથી બચવાનો એક અસરકારક માર્ગ પણ છે. માસ્ક પહેરવાથી શ્વસન રોગોનું જોખમ ઘટાડી શકાય છે. દરમિયાન, અરબી સમુદ્રમાં નવી સિસ્ટમના વિકાસને કારણે, દેશભરના ઘણા રાજ્યોમાં વરસાદની અપેક્ષા છે. હવામાન નિષ્ણાતો કહે છે કે આગામી દિવસોમાં દક્ષિણ ભારતથી મધ્યપ્રદેશ સુધી હવામાનની પેટર્ન બદલાઈ શકે છે. આ ફેરફાર હવાની ગુણવત્તામાં સુધારો થવાની આશા જગાડી શકે છે.
રાષ્ટ્રીય રાજધાની દિલ્હીની હવાની ગુણવત્તા સતત બગડતી રહે છે. કેન્દ્રીય પ્રદૂષણ નિયંત્રણ બોર્ડ અનુસાર, દિલ્હીનો સરેરાશ હવા ગુણવત્તા સૂચકાંક ૩૬૭ નોંધવામાં આવ્યો હતો, જે ખૂબ જ ખરાબ શ્રેણીમાં આવે છે. આનંદ વિહારમાં સૌથી વધુ પ્રદૂષણ સ્તર નોંધાયું હતું, જ્યાં AQI ૩૭૦ પર પહોંચ્યું હતું. અક્ષરધામ વિસ્તારમાં ૩૬૯, વઝીરપુરમાં ૩૨૮ અને જહાંગીરપુરીમાં ૩૨૪ AQI નોંધાયું હતું.
વધતા પ્રદૂષણને ધ્યાનમાં રાખીને, ૧૪ ઓક્ટોબરના રોજ દિલ્હી-NCRમાં ગ્રેડેડ રિસ્પોન્સ એક્શન પ્લાનના પ્રથમ તબક્કાનો અમલ કરવામાં આવ્યો હતો. આ તબક્કો ત્યારે લાગુ કરવામાં આવે છે જ્યારે AQI ૨૦૧ અને ૩૦૦ ની વચ્ચે હોય છે. આ તબક્કામાં ૨૭ નિવારક પગલાંનો અમલ ફરજિયાત છે, જેમાં રસ્તાઓ પર ધૂળ ઘટાડવી, પાણીનો છંટકાવ કરવો, બાંધકામ પ્રોજેક્ટ્સમાં એન્ટી-સ્મોગ ગનનો ઉપયોગ કરવો અને કચરાને ખુલ્લામાં બાળવા પર પ્રતિબંધ મૂકવો શામેલ છે.
(3:10 PM IST)
