નવી દિલ્હી : ઉત્તર પ્રદેશના મુખ્યમંત્રી યોગી આદિત્યનાથે આજે  ગોરખપુરના પ્રસિદ્ધ ગોરખનાથ મંદિરમાં નૂતન વર્ષના અવસરે અને દિવાળીના પાંચ દિવસીય દીપોત્સવના ભાગરૂપે ગોવર્ધન પૂજાનું આયોજન કર્યું. આ પૂજામાં તેમણે ગૌસેવાને વિશેષ મહત્વ આપ્યું, જેમાં તેમણે પોતાના હાથે ગાયોને ઘાસ ખવડાવી અને તેમની પૂજા કરી, જે હિન્દુ પરંપરામાં ગાયના પવિત્ર સ્થાનને દર્શાવે છે.
 CM યોગીએ ગોવર્ધન પર્વતની પૂજા કરી અને ગાયોની સેવા કરી, જે પ્રકૃતિ અને પશુધન પ્રત્યે કૃતજ્ઞતાનું પ્રતીક છે.
 ગોવર્ધન પૂજા ભગવાન શ્રીકૃષ્ણના ગોવર્ધન પર્વતને નાની આંગળીએ ઉપાડી બ્રજવાસીઓને ઇન્દ્રના પ્રકોપથી બચાવવાની ઘટનાને યાદ કરે છે, જે નમ્રતા અને પ્રકૃતિ સાથે સંનાદનું સંદેશ આપે છે.
આ પૂજા દિવાળીના ઉત્સવનો અંતિમ ભાગ છે, જે ખાસ કરીને વ્રજ પ્રદેશ (મથુરા અને વૃંદાવન)માં ઉજવાય છે.

મુખ્યમંત્રીએ દેશવાસીઓને નૂતન વર્ષની શુભેચ્છા પાઠવતાં આ દિવસને "પવિત્ર અવસર" ગણાવ્યો. તેમણે ગોવર્ધન પૂજાના આર્થિક અને સાંસ્કૃતિક મહત્વ પર પ્રકાશ પાડતાં કહ્યું
" પૂજાનો તહેવાર ભારતની કૃષિ અર્થવ્યવસ્થાનું પ્રતીક છે."  ગાયોના મહત્વ પર ભાર મૂકતાં તેમણે ઉમેર્યું
"ખેતી પર નિર્ભર ભારત જેવા દેશમાં ગોવર્ધન પૂજા ગાય અને તેના વંશનું મહત્વ દર્શાવે છે... આજે મને અહીં ગાયોની પૂજા અને સેવા કરવાનો સૌભાગ્ય મળ્યું. ભારતીય પશુધન ભારતની સમૃદ્ધિનો આધાર છે.