નવી દિલ્‍હીઃ ઓલ ઈન્ડિયા ઇન્સ્ટિટ્યૂટ ઓફ મેડિકલ સાયન્સ (AIIMS)એ નોટિફિકેશન જારી કરીને ભરતી બહાર પાડી છે. આ માટે ઉમેદવારો આધિકારિક વેબસાઇટ પર જઈને અરજી કરી શકે છે.

1. AIIMS ભટિંડામાં ભરતી

AIIMS Bathinda Recruitment: ઓલ ઈન્ડિયા ઇન્સ્ટિટ્યૂટ ઓફ મેડિકલ સાયન્સ (AIIMS) ભટિંડાએ 150થી વધુ જગ્યાઓ માટે ભરતીની જાહેરાત કરી છે, જેના માટે અરજી પ્રક્રિયા ચાલુ થઈ ગઈ છે. રસ ધરાવતા અને લાયક ઉમેદવારો સત્તાવાર વેબસાઇટ પર જઈને અરજી કરી શકે છે. ચાલો જાણીએ બધી વિગતો.

2. સિનિયર રેસિડેન્ટ પદ પર ભરતી

AIIMS, ભટિંડા ખાતે કુલ 153 સિનિયર રેસિડેન્ટ પદો પર ભરતી કરવામાં આવશે. રસ ધરાવતા અને લાયક ઉમેદવારો 20 નવેમ્બર, 2025 સુધી ઓનલાઈન અરજી કરી શકે છે.

3. શૈક્ષણિક લાયકાત

આ પદ માટે અરજી કરનારા ઉમેદવારો પાસે દેશની માન્ય સંસ્થામાંથી MD, MS, DNB, અથવા MDS ડિગ્રી હોવી આવશ્યક છે.

4. વય મર્યાદા

વય મર્યાદાની વાત કરીએ તો, અરજદારની મહત્તમ ઉંમર 45 વર્ષથી વધુ ન હોવી જોઈએ. અનામત કેટેગરીના ઉમેદવારોને ઉંમરમાં છૂટછાટ મળશે.

5. પગાર ધોરણ

પગારની વાત કરવામાં આવે તો આ પોસ્ટ પર પસંદ કરાયેલા ઉમેદવારોને માસિક 67,700 રૂપિયા પગાર મળશે.

6. અરજી ફી

ઉમેદવારોએ ભરતી માટે અરજી ફી ચૂકવવી પડશે. જનરલ, ઓબીસી અને ઇડબ્લ્યુએસ ઉમેદવારો માટે અરજી ફી 1,180 રૂપિયા છે, જ્યારે એસસી અને એસટી ઉમેદવારો માટે, ફી 590 રૂપિયા છે.

7. કેવી રીતે કરવી અરજી

અરજી કરવા માટે, ઉમેદવારોએ સત્તાવાર વેબસાઇટ, aiimsbathinda.edu.in પર જઈને હોમપેજ પર એપ્લાય લિંક પર ક્લિક કરીને જરૂરી વિગતો ભરીને, જરૂરી દસ્તાવેજો અપલોડ કરીને પછી ફોર્મ સબમિટ કરવાનું રહેશે.