નવી દિલ્હી :  કેટલાક મુખ્ય બેંકિંગ નિયમોમાં ફેરફારો 1લી નવેમ્બરથી અમલમાં આવશે. નાણા મંત્રાલય દ્વારા આપવામાં આવેલી માહિતી પ્રમાણે બેંકિંગ કાયદા (સુધારા) અધિનિયમ, 2025 હેઠળ નામાંકન સંબંધિત મુખ્ય જોગવાઈઓ 1લી નવેમ્બર 2025થી અમલમાં આવશે.

નાણા મંત્રાલયના પ્રકાશનમાં જણાવાયું છે કે આ જોગવાઈનો હેતુ થાપણદારોને નામાંકન કરવામાં સુવિધા આપવા અને દાવાની પતાવટ પ્રક્રિયામાં એકરૂપતા, પારદર્શિતા અને કાર્યક્ષમતા સુનિશ્ચિત કરવાનો છે.

બેન્કના ગ્રાહકો હવે મહત્તમ ચાર વ્યક્તિને નોમિનેશન કરી શકે છે. આ નોમિનેશન એક જ સમયે અથવા તો એક પછી એક ક્રમાંક(simultaneously)માં કરી શકાય છે. તેનાથી દાવાના ઉકેલની પ્રક્રિયા(successively) સરળ અને પારદર્શક બનશે.

થાપણદારો તેમની પસંદગી મુજબ એક સાથે અથવા ક્રમિક નોમિનેશન કરી શકે છે.

આ યોજના હેઠળ થાપણદારો ચાર વ્યક્તિઓને નોમિનેટ કરી શકે છે અને દરેક માટે કુલ 100% હિસ્સો (શેર/ટકાવારી) સ્પષ્ટ કરી શકે છે. તેનાથી બધા નોમિની વચ્ચે પારદર્શક વિતરણ સુનિશ્ચિત થશે.
આ જોગવાઈઓના અમલીકરણથી થાપણદારોને તેમની પસંદગીઓ, તેમની સુવિધા અને પસંદગીના આધારે નોમિનેશન કરવાની સુગમતા મળશે, સમગ્ર બેંકિંગ સિસ્ટમમાં એકરૂપતા, પારદર્શિતા અને કાર્યક્ષમતા વધશે.

નાણા મંત્રાલયના એક પ્રકાશન અનુસાર, બેંકિંગ કાયદા (સુધારા) અધિનિયમ, 2025નો ઉદ્દેશ્ય બેંકિંગ ક્ષેત્રમાં શાસન ધોરણોને મજબૂત બનાવવા, ભારતીય રિઝર્વ બેંકને રિપોર્ટિંગમાં એકરૂપતા લાવવા, થાપણદારો અને રોકાણકારોના રક્ષણને મજબૂત બનાવવા, જાહેર ક્ષેત્રની બેંકોમાં ઓડિટ ગુણવત્તા સુધારવા અને નામાંકન સુવિધાઓ દ્વારા ગ્રાહક સુવિધાને પ્રોત્સાહન આપવાનો છે.