નવી દિલ્હી: આસ્થાનું મહાપર્વ છઠ પૂજા આજે, શનિવારથી નહા-ખાયની પવિત્ર વિધિઓ સાથે શરૂ થઈ ગયું છે. ઉત્તર પ્રદેશ, બિહાર સહિત વિશ્વભરમાં શ્રદ્ધા અને ઉત્સાહ સાથે ઉજવાતા આ ચાર દિવસીય પર્વના પ્રારંભે વડાપ્રધાન નરેન્દ્ર મોદીએ દેશવાસીઓને હાર્દિક શુભકામનાઓ પાઠવી છે.
   શુભેચ્છા: "૪ દિવસીય ભવ્ય છઠ ઉત્સવ આજે નહાય-ખાયેના પવિત્ર વિધિઓ સાથે શરૂ થાય છે. બિહાર સહિતના દેશભરના લોકોને મારી હાર્દિક શુભેચ્છાઓ. ઉપવાસ રાખનારા બધાને મારા વંદન અને પ્રણામ!"
    તહેવારનું મહત્ત્વ: તેમણે છઠને ભારતીય સંસ્કૃતિનો એવો ભવ્ય તહેવાર ગણાવ્યો, જે સાદગી અને સંયમનું પ્રતીક છે, અને જેની શુદ્ધતા તેમજ શિસ્ત અજોડ છે.
    સંસ્કૃતિનો પ્રભાવ: PM મોદીએ જણાવ્યું કે છઠ ઘાટ પર જોવા મળતા દ્રશ્યો કૌટુંબિક અને સામાજિક સંવાદિતા માટે એક અદ્ભુત પ્રેરણા છે.
    વૈશ્વિક ઉજવણી: તેમણે ભારપૂર્વક કહ્યું કે આજે છઠ વિશ્વના દરેક ખૂણામાં એક ભવ્ય સાંસ્કૃતિક તહેવાર તરીકે ઉજવાય છે, જેમાં વિશ્વભરમાં રહેતા ભારતીય પરિવારો પૂરા દિલથી ભાગ લે છે.
વડાપ્રધાન મોદીએ શ્રદ્ધા, પૂજા અને પ્રકૃતિ પ્રત્યેના પ્રેમનો આ અનોખો સંગમ દરેકના જીવનમાં સુખ, સમૃદ્ધિ અને નવી ઉર્જા લાવે તેવી પ્રાર્થના પણ કરી હતી. તેમણે બિહારની બુલબુલ શારદા સિંહાના છઠ ગીતો પણ શેર કર્યા હતા.