રિલાયન્સ ઇન્ડસ્ટ્રીઝના ચેરમેન અને મેનેજિંગ ડિરેક્ટર મુકેશ અંબાણી એશિયાના સૌથી ધનિક વ્યક્તિ છે. ફોર્બ્સ અનુસાર તેમની અંદાજિત કુલ સંપત્તિ આશરે ₹9.5 લાખ કરોડ છે. તેમની ભવ્ય જીવનશૈલી માટે જાણીતા અંબાણીએ રિયલ એસ્ટેટમાં ભારે રોકાણ કર્યું છે અને વિશ્વભરમાં અસંખ્ય મોંઘી મિલકતોના માલિક છે.

અંબાણી પાસે અનેક પ્રીમિયમ મિલકતો છે, જેમાં મુંબઈમાં ₹15,000 કરોડના એન્ટિલિયા (ભારતનું સૌથી મોંઘુ ઘર)થી લઈને દુબઈમાં એક વૈભવી બીચફ્રન્ટ વિલા સુધીનો સમાવેશ થાય છે. ચાલો આ મિલકતો પર એક નજર કરીએ.

વર્ષ 2021 માં મુકેશ અંબાણીએ યુકેના બકિંગહામશાયરમાં સ્ટોક પાર્ક કન્ટ્રી ક્લબ ખરીદ્યું હતુ. આ 900 વર્ષ જૂની મિલકતમાં 49 બેડરૂમ, 27-હોલ ગોલ્ફ કોર્સ, 13 ટેનિસ કોર્ટ અને 14 એકર ખાનગી બગીચા છે. આ સોદો રૂપિયા 590 કરોડથી વધુમાં થયો હતો.

મુકેશ અંબાણીએ તેમના પુત્ર અનંત અંબાણી માટે દુબઈના પામ જુમેરાહમાં ₹640 કરોડથી વધુ કિંમતનો 3,000 ચોરસ ફૂટનો વૈભવી વિલા ખરીદ્યો. આ બીચ-સાઇડ વિલામાં દસ બેડરૂમ,એક મોટો ડાઇનિંગ એરિયા, ઇન્ડોર અને આઉટડોર પૂલ,એક ખાનગી સ્પા અને સલૂન છે.

મુકેશ અંબાણીએ ન્યૂ યોર્કના મેનહટનમાં મેન્ડરિન ઓરિએન્ટલ હોટેલ આશરે ₹810 કરોડમાં ખરીદી હતી. રિલાયન્સ ઇન્ડસ્ટ્રીઝે હોટલનું આશરે ₹955 કરોડનું દેવું પણ ચૂકવી દીધું હતું, જેનાથી કુલ સોદાનું મૂલ્ય આશરે ₹2,000 કરોડ થયું હતું.

મુકેશ અંબાણીએ દુબઈમાં લગભગ ₹1,350 કરોડમાં બીચફ્રન્ટ પરની એક મોંઘી મિલકત ખરીદી હતી. અંબાણીએ કુવૈતી ઉદ્યોગપતિ મોહમ્મદ અલશાયાના પરિવાર પાસેથી પામ જુમેરાહમાં આ મોંઘો વિલા ખરીદ્યો હતો.આ વિલા તેમની અન્ય મિલકતોની નજીક આવેલો છે.

મુકેશ અંબાણીએ તાજેતરમાં ન્યૂ યોર્ક શહેરના ટ્રિબેકા વિસ્તારમાં આશરે ₹153 કરોડમાં એક મકાન ખરીદ્યું. ટ્રિબેકામાં 11 હ્યુબર્ટ સ્ટ્રીટ પર આવેલી આ ઇમારત 10 વર્ષથી ખાલી હતી. જોકે અગાઉના માલિકોએ તેને એક પરિવારના મકાનમાં રૂપાંતરિત કરવાની ભવ્ય યોજના બનાવી હતી.

આ પહેલાં ઓગસ્ટ 2023માં અંબાણીએ મેનહટનના વેસ્ટ વિલેજમાં પોતાનું ઘર $9 મિલિયનમાં વેચી દીધું હતું.