નવી દિલ્‍હી, તા.૨૮: તુર્કીના બાલિકેસિર પ્રાંતમાં ૬.૧ ની તીવ્રતાનો ભૂકંપ શક્‍તિશાળી ભૂકંપ આવતા અનેક ઇમારતો ધરાશાયી થતા ભારે નુકશાન થયુ છે. કોઈનું મોત થયું નથી, પરંતુ ૨૨ લોકો ઘાયલ થયા છે. ભૂકંપનું કેન્‍દ્ર સિંદિરગી શહેર હતું અને ઇસ્‍તંબુલ સુધી ભૂકંપના આંચકા અનુભવાયા હતા. ભયના કારણે લોકો પોતાના ઘરની બહાર રાત વિતાવી રહ્યા છે. તુર્કીમાં ફોલ્‍ટ લાઇન્‍સ સતત ભૂકંપનું જોખમ ઉભું કરે છે.

તુર્કીના બાલિકેસિર પ્રાંતમાં ૬.૧ ની તીવ્રતાનો ભૂકંપ આવ્‍યો હતો. અગાઉના ભૂકંપમાં નુકસાન પામેલી ત્રણ ઇમારતો ધરાશાયી થઈ હતી. સદનસીબે, આ ઘટનામાં કોઈનું મોત થયું નથી.

ભૂકંપનું કેન્‍દ્ર સિંદિરગી શહેર હતું. તે રાત્રે ૧૦:૪૮ વાગ્‍યે ૬ કિલોમીટરની ઊંડાઈએ આવ્‍યો હતો. અનેક આફ્‌ટરશોક્‍સ અનુભવાયા હતા. ઇસ્‍તંબુલ, બુર્સા, મનીસા અને ઇઝમિરમાં પણ જમીન ધ્રુજી ઉઠી હતી.

સિંદિરગીમાં ત્રણ ખાલી ઇમારતો અને બે માળની એક દુકાન ધરાશાયી થઈ હતી, જે પહેલાથી જ નુકસાનગ્રસ્‍ત હતી. ગળહમંત્રી અલી યેરલિકાયાએ આ માહિતી આપી હતી. ભૂકંપમાં ૨૨ લોકો ઘાયલ થયા હતા. બાલિકેસિરના ગવર્નર ઇસ્‍માઇલ ઉસ્‍તાઓગ્‍લુએ જણાવ્‍યું હતું કે કોઈ મળત્‍યુના અહેવાલ નથી.

ઘણા લોકો ઘરે પાછા ફરવામાં ડરી રહ્યા છે અને બહાર રાત વિતાવી રહ્યા છે. દરમિયાન, ઘણા શહેરોમાં વરસાદ પણ શરૂ થઈ ગયો છે. મસ્‍જિદો, શાળાઓ અને રમતગમત હોલ ખુલ્લા રહ્યા છે. ઓગસ્‍ટમાં સિંદિરગીમાં પણ ૬.૧ ની તીવ્રતાનો ભૂકંપ આવ્‍યો હતો, જેમાં એક વ્‍યક્‍તિનું મોત થયું હતું અને ડઝનેક ઘાયલ થયા હતા. ત્‍યારબાદ નાના ભૂકંપ આવ્‍યા છે.

તુર્કી મુખ્‍ય ફોલ્‍ટ લાઇન પર આવેલું છે, જેના કારણે વારંવાર ભૂકંપ આવે છે. ૨૦૨૩ માં, ૭.૮ ની તીવ્રતાના ભૂકંપમાં ૫૩,૦૦૦ થી વધુ લોકો માર્યા ગયા હતા. ત્‍યારથી ભૂકંપનો ભય યથાવત છે.