નૈરોબી : કેન્યામાં વિદેશી પ્રવાસીઓને માસાઈ મારા રિઝર્વમાં લઈ જઈ રહેલું એક નાનું વિમાન દુર્ઘટનાગ્રસ્ત થયું છે, જેમાં પ્લેનમાં સવાર તમામ 11 લોકોના કરુણ મોત થયા છે. આ ઘટના મંગળવારે સવારે Kwale નજીક, હિંદ મહાસાગરના દરિયાકાંઠાના વિસ્તારમાં બની હતી.

હંગેરિયન અને જર્મન પ્રવાસીઓનો સમાવેશ
Mombasa Air Safari એરલાઇને એક નિવેદનમાં જણાવ્યું કે પ્લેનમાં 10 પ્રવાસીઓ અને 1 કેન્યાના કેપ્ટન સવાર હતા.

• પ્રવાસીઓ: 8 હંગેરિયન નાગરિકો અને 2 જર્મન નાગરિકો.

• પાયલોટ: 1 કેન્યાના કેપ્ટન.

એરલાઇને દુઃખ વ્યક્ત કરતા કહ્યું, "દુર્ભાગ્યે, કોઈ બચ્યું નથી."

ખરાબ હવામાન અને ઓછી વિઝિબિલિટી
આ વિમાન ડાયની (દરિયાકાંઠે) થી કેન્યાના પ્રખ્યાત માસાઈ મારા નેશનલ રિઝર્વમાં સ્થિત કીચવા ટેમ્બો તરફ જઈ રહ્યું હતું.
• કવાલે કાઉન્ટી કમિશનર સ્ટીફન ઓરિન્ડેએ જણાવ્યું કે અકસ્માતની તપાસમાં ખરાબ હવામાન અને ખૂબ જ ધુમ્મસભરી પરિસ્થિતિ અવરોધરૂપ બની રહી છે.

• સ્થાનિક મીડિયામાં એવી અટકળો છે કે ખરાબ વિઝિબિલિટીને કારણે આ દુર્ઘટના થઈ હશે.

• સાક્ષીઓએ જણાવ્યું કે ટેકઓફના થોડી જ મિનિટો બાદ પ્લેન ક્રેશ થયું અને આગની લપેટમાં આવી ગયું.

ઇમરજન્સી રિસ્પોન્ડર્સ અને ફોરેન્સિક ટીમો ઘટનાસ્થળે પહોંચી ગઈ છે, જ્યાં મૃતદેહો બળી ગયેલી હાલતમાં મળી આવ્યા હતા. કેન્યાનું હવામાન વિભાગ છેલ્લા કેટલાક દિવસોથી 'ચેંગે' નામના તોફાનની ચેતવણી આપી રહ્યું હતું, જેમાં ભારે વરસાદ અને જોરદાર પવનની આગાહી કરવામાં આવી હતી.