નવી દિલ્હી : સુપ્રીમ કોર્ટે એક રશિયન મહિલા અને એક ભારતીય નાગરિકના કેસ પર ચિંતા વ્યક્ત કરી છે. શુક્રવારે, રશિયન દૂતાવાસ તરફથી મહિલા વિશે કોઈ નક્કર માહિતી ન મળ્યા બાદ, કોર્ટે કહ્યું કે તે ભારત અને રશિયા વચ્ચેના સંબંધોને નુકસાન પહોંચાડે તેવો કોઈ આદેશ પસાર કરવા માંગતી નથી. 

  અત્રે ઉલ્લેખનીય છે કે કેન્દ્ર સરકારે કોર્ટને જાણ કરી હતી કે વિક્ટોરિયા બાસુ નામની એક રશિયન મહિલા, જે તેના ભારતીય પતિથી અલગ થઈ ગઈ હતી, તે તેના બાળકની કસ્ટડીમાં હોવા છતાં નેપાળ થઈને દેશ છોડીને ભાગી ગઈ હતી. એવી શંકા છે કે તે રશિયા પહોંચી ગઈ છે.

   કેન્દ્ર સરકારે મહિલાના ભાગી જવાની જાણ કર્યા પછી, કેસની સુનાવણી કરતા, ન્યાયાધીશ સૂર્યકાંત અને જયમાલ્યા બાગચીની બેન્ચે રશિયન દૂતાવાસ પાસેથી માહિતી માંગી હતી. જોકે, હજુ સુધી કોઈ નક્કર માહિતી મળી નથી. કોર્ટે ટિપ્પણી કરી, "અમે એવો કોઈ આદેશ પસાર કરવા માંગતા નથી જે બંને દેશો વચ્ચેના સંબંધોને અસર કરી શકે, પરંતુ આ એક મહત્વપૂર્ણ બાબત છે!"

   બેન્ચે ઉમેર્યું, "અમે ફક્ત એવી આશા રાખી શકીએ છીએ કે બાળકી તેની માતા સાથે સ્વસ્થ અને સારી સ્થિતિમાં હોય. પરંતુ અમે આશા રાખીએ છીએ કે આ બાળ તસ્કરીનો કેસ નથી અને તે રશિયામાં અન્ય શોષણકારી પ્રવૃત્તિઓમાં સામેલ નથી.

આ અવલોકન સાથે, કોર્ટે ભારતીય અધિકારીઓને મહિલાના કેસ અંગે રશિયન અધિકારીઓનો સંપર્ક કરવા માટે એક અઠવાડિયાનો સમય પણ આપ્યોહતો