જમ્મુ: જમ્મુ-કાશ્મીરમાં શાસન ચલાવવાને લઈને મુખ્યમંત્રી ઉમર અબ્દુલ્લા અને ઉપરાજ્યપાલ મનોજ સિન્હા વચ્ચે આકરી શાબ્દિક ટપાટપી શરૂ થઈ છે. ખરાબ શાસન વ્યવસ્થા માટે કોણ જવાબદાર છે, તેને લઈને આ બન્ને નેતાઓ વચ્ચે દોષારોપણ ચાલી રહ્યું છે.

ઉપરાજ્યપાલ મનોજ સિન્હાનું કહેવું છે કે ખરાબ શાસન અને વહીવટી નિષ્ફળતાનું કારણ જમ્મુ-કાશ્મીરને રાજ્યનો દરજ્જો ન મળવો નથી, પરંતુ ખરાબ નેતૃત્વ છે. 

તેમણે મુખ્યમંત્રી પર આક્ષેપ કર્યો કે રાજ્યનો દરજ્જો ન હોવાનો બહાનું વર્તમાન સરકાર રજૂ કરી રહી છે, જે યોગ્ય નથી. સિન્હાએ એસ.કે.આઈ.સી.સી. માં કહ્યું હતું કે ચૂંટાયેલી સરકાર પાસે તમામ સત્તાઓ છે, તેથી રાજ્યના દરજ્જાનો અભાવ ખરાબ પ્રદર્શન માટે બહાનું બની શકે નહીં.

જવાબમાં, મુખ્યમંત્રી ઓમર અબ્દુલ્લાએ તાત્કાલિક ટિપ્પણી કરવાનું ટાળ્યું હતું અને કહ્યું હતું કે તેઓ ઉપરાજ્યપાલના નિવેદનના શબ્દો જોયા પછી જ જવાબ આપશે. 

જોકે, છેલ્લા કેટલાક મહિનાઓથી તેમની નિવેદનબાજી પરથી સ્પષ્ટ થાય છે કે આ શાબ્દિક યુદ્ધની શરૂઆત થઈ ચૂકી છે.

દરમિયાન, જમ્મુ-કાશ્મીરના લોકો અનુભવી રહ્યા છે કે વહીવટી બાબતોમાં ઉપરાજ્યપાલ અને મુખ્યમંત્રી કાર્યાલય વચ્ચે મોટા મતભેદો છે. સ્થાનિક લોકો તેમના રોજિંદા જીવન સાથે જોડાયેલા મુદ્દાઓ માટે બે સત્તા કેન્દ્રો વચ્ચે ફસાઈ જવાની ફરિયાદ કરી રહ્યા છે, જેના કારણે રાજ્યના એકંદર મામલાઓ બગડી રહ્યા હોવાનું માનવામાં આવે છે.