એન્જિનિયરિંગ પ્રવેશ પરીક્ષા JEE મેન્સ ૨૦૨૬ના પ્રથમ સત્ર માટે અરજી પ્રક્રિયા શરૂ થઈ ગઈ છે. નેશનલ ટેસ્ટિંગ એજન્સી (NTA) એ વિગતવાર સૂચના બહાર પાડી છે.

• અરજી શરૂ: ૩૧ ઓક્ટોબર, ૨૦૨૫

• છેલ્લી તારીખ: ૨૭ નવેમ્બર, ૨૦૨૫

• સત્ર ૧ પરીક્ષા: ૨૧ થી ૩૦ જાન્યુઆરી, ૨૦૨૬

• સત્ર ૨ પરીક્ષા: ૧ થી ૧૦ એપ્રિલ, ૨૦૨૬

ઇચ્છુક ઉમેદવારો NTAની સત્તાવાર વેબસાઇટ jeemain.nta.ac.in પર જઈને અરજી કરી શકે છે.
 
વિદ્યાર્થીઓની સુવિધા માટે પરીક્ષા કેન્દ્રોમાં વધારો
NTA એ સ્પષ્ટતા કરી છે કે આ વર્ષે ઉમેદવારોની વધતી સંખ્યાને ધ્યાનમાં રાખીને, વિદ્યાર્થીઓની સુવિધા માટે શહેરોમાં પરીક્ષા કેન્દ્રોની સંખ્યા વધારવામાં આવશે. આનાથી ઉમેદવારોને તેમના ઘરની નજીક કેન્દ્રો પસંદ કરવામાં મદદ મળશે.

વિકલાંગ ઉમેદવારો (PwD) ને પણ વધુ સારી અને અનુકૂળ સુવિધાઓ પૂરી પાડવામાં આવશે.
 
ફોર્મ રિજેક્શનથી બચવા માટેની '૩' મહત્ત્વની ટિપ્સ
NTA એ ઉમેદવારોને ફોર્મ અસ્વીકાર (Rejection) ટાળવા માટે ખાસ કરીને તેમના પ્રમાણપત્રો અપડેટ કરવા જણાવ્યું છે. ઉમેદવારોએ નીચેના દસ્તાવેજોની વિગતો ચકાસવી અને જરૂર જણાયે અપડેટ કરવી ફરજિયાત છે:

1. આધાર કાર્ડ: આધાર કાર્ડ પર નામ, જન્મ તારીખ, ફોટો, સરનામું અને પિતાનું નામ ૧૦મા ધોરણની માર્કશીટ સાથે મેળ ખાતું હોવું જોઈએ.

2. UDID કાર્ડ: વિકલાંગ ઉમેદવારોએ ખાતરી કરવી કે તેમનું UDID કાર્ડ માન્ય, અપડેટ અને જરૂર મુજબ રિન્યુ કરેલું છે.

3. શ્રેણી પ્રમાણપત્ર: અનામત શ્રેણી (SC/ST/OBC/EWS) ના વિદ્યાર્થીઓએ પણ તેમના શ્રેણી પ્રમાણપત્રોની માન્યતા તપાસી લેવી.
 
બોનસ સમાચાર: સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ શાળાના બાળકોમાં જાગૃતિ લાવવાના હેતુથી મોટુ-પટલુ જેવા કાર્ટૂન પાત્રોની મદદથી આવકવેરાના પાઠ શીખવવા માટે ૮ કોમિક પુસ્તકો પ્રકાશિત કર્યા છે.