સ્કૂલ છે સ્પા નથી! ટીચર મેડમે ખુરશીમાં બેઠાં બેઠાં છોકરીઓ પાસે કરાવ્યું શરમજનક કામ
‘મેડમજી' ભણાવવા નહીં પણ પગની માલિશ કરાવવા આવ્યા હતા, વીડિયો વાયરલ... સરકારે ક્લાસ લીધા
શ્રીકાકુલમ,તા.૦૬: આંધ્રપ્રદેશમાંથી એક શરમજનક ઘટના સામે આવી છે. શ્રીકાકુલમ જિલ્લાની સરકારી શાળાની શિક્ષિકા વાય. સુજાતાને તેમની ફરજોમાં બેદરકારી અને બે વિદ્યાર્થીનીઓ દ્વારા તેમના પગની માલિશ કરાવવા બદલ સસ્પેન્ડ કરવામાં આવી છે. આ ઘટના કેમેરામાં કેદ થઈ ગઈ અને વાયરલ થઈ ગઈ. વીડિયોમાં, સુજાતાને વર્ગખંડમાં ખુરશી પર આરામથી બેઠેલી, મોબાઇલ ફોન પર વાત કરતી જોઈ શકાય છે, જ્યારે બે સગીર વિદ્યાર્થીનીઓ તેમના પગની માલિશ કરતી હતી.
પીટીઆઈ અનુસાર, સસ્પેન્શન ઓર્ડરમાં કહેવામાં આવ્યું છે કે તપાસ દરમિયાન મળેલા પુરાવાના આધારે, વાય. સુજાતાને સસ્પેન્ડ કરવી જરૂરી હતી કારણ કે તેણીએ સમયાંતરે સરકારી નિર્દેશોનું ઉલ્લંઘન કર્યું હતું. વધુમાં, વર્ગખંડમાં તેણીની અયોગ્ય બેઠેલી અને વિદ્યાર્થીઓને તેણીનું અંગત કામ કરાવવું તેણીની વ્યાવસાયિક ફરજોમાં ઘોર બેદરકારી દર્શાવે છે.
એક અધિકારીના જણાવ્યા અનુસાર, આ પહેલીવાર નહોતું જ્યારે સુજાતાએ વિદ્યાર્થીઓ પાસેથી તેના પગની માલિશ કરાવી હોય. વધુમાં, આદેશમાં એમ પણ કહેવામાં આવ્યું છે કે સુજાતાએ વર્ગ દરમિયાન મોબાઇલ ફોનનો ઉપયોગ કરીને તેમની ફરજોની અવગણના કરી હતી. આ ઘટનાએ રાજકીય તોફાન પણ જગાવ્યું છે. વાયએસઆર કોંગ્રેસ પાર્ટી (વાયએસઆરસીપી) એ રાજ્ય સરકાર પર નિશાન સાધ્યું છે.
YSRCP એ પોતાની સત્તાવાર પોસ્ટમાં લખ્યું છે કે શ્રીકાકુલમ જિલ્લાના મેલિયાપુટ્ટી મંડળ સ્થિત બંદાપલ્લી કન્યા આદિવાસી આશ્રમ શાળામાં, એક શિક્ષિકાએ બે યુવાન વિદ્યાર્થિનીઓને બેશરમીથી પગ માલિશ કરવા માટે દબાણ કર્યું હતું જ્યારે તે તેના મોબાઇલ ફોન પર વાત કરી રહી હતી. મોડેથી જાહેર થયેલી આ શરમજનક ઘટનાએ માતાપિતા અને સ્થાનિકોમાં રોષ ફેલાવ્યો છે. શિક્ષિકાએ વિદ્યાર્થીઓનું અપમાન કર્યું અને શિક્ષણ વ્યવસાયની પવિત્રતાનો અનાદર કર્યો.
YSRCP એ વધુમાં લખ્યું છે કે આવું વર્તન શિક્ષણ પ્રણાલીમાં વ્યાપક નૈતિક પતનને પ્રતિબિબિત કરે છે. @naralokesh ના નેતૃત્વમાં આ થઈ રહ્યું છે, જ્યાં શિક્ષણ મજાક બની ગયું છે. આ કેસ શિક્ષણ વિભાગની જવાબદારી પર પ્રશ્નો ઉભા કરે છે અને સરકારી શાળાઓની બગડતી સ્થિતિ પર ગંભીર ચિતાઓ ઉભી કરે છે.
(9:49 AM IST)
છેલ્લા 8 દિવસમાં સૌથી લોકપ્રિય 
