જકાર્તા: ઇન્ડોનેશિયાની રાજધાની જકાર્તામાં એક શાળા કેમ્પસમાં વિસ્ફોટ થયો. મસ્જિદની અંદરની એક શાળામાં શુક્રવારની નમાજ દરમિયાન વિસ્ફોટ થયો. ઘાયલોની સંખ્યા 54 હોવાનું જાણવા મળે છે, જે આંકડો હજુ પણ વધવાની શક્યતા છે. પોલીસે જણાવ્યું હતું કે કેટલાક ઘાયલોની હાલત ગંભીર છે અને તેમને હોસ્પિટલમાં દાખલ કરવામાં આવ્યા છે. પોલીસે મસ્જિદને ઘેરી લીધી છે અને બચાવ કામગીરી ચાલી રહી છે.

ઉત્તર જકાર્તાના કેલાપા ગેડિંગમાં શુક્રવારની નમાજ દરમિયાન વિસ્ફોટ થયો હતો, જેમાં 54 લોકો ઘાયલ થયા હતા. પોલીસ વડા એસેપ એડી સુહેરીએ એક પ્રેસ કોન્ફરન્સ દરમિયાન જણાવ્યું હતું કે કેટલાક લોકોને નાની ઇજાઓ થઈ છે, જ્યારે અન્ય લોકો ગંભીર રીતે દાઝી ગયા છે અને તેમની હાલત ગંભીર છે. પોલીસે મસ્જિદને ઘેરી લીધી છે અને બચાવ કામગીરી ચાલી રહી છે.

દરમિયાન, સ્થાનિક મીડિયામાં દેખાતા ફોટા અનુસાર, મસ્જિદની બહાર કોઈ નોંધપાત્ર નુકસાન દેખાતું નથી. જો કે, આંતરિક ભાગના ફોટા હજુ સુધી ઉપલબ્ધ નથી. પોલીસને ઘટનાસ્થળે બોડી જેકેટ અને બોમ્બ બનાવવાની સામગ્રી મળી હોવાના અહેવાલ છે. આ પછી, સમગ્ર વિસ્તારને સીલ કરી દેવામાં આવ્યો છે અને આ મામલાની તપાસ ચાલી રહી છે.