બિહાર : બિહાર વિધાનસભા ચૂંટણીમાં થયેલા ભારે મતદાન પર રાજકીય રણનીતિકાર અને 'જન સુરાજ'ના સ્થાપક પ્રશાંત કિશોરે મોટું વિશ્લેષણ કર્યું છે. તેમણે જણાવ્યું કે આ બમ્પર વોટિંગ પરંપરાગત પક્ષો પ્રત્યેનો ગુસ્સો દર્શાવે છે. તેમણે આ 'એક્સ ફેક્ટર'ને પરિવર્તનની લહેર ગણાવી, જેનો ફાયદો સ્થાપિત ગઠબંધનોને નહીં, પરંતુ એક નવા વિકલ્પને મળી શકે છે.

બિહારમાં છેલ્લા એક વર્ષથી પદયાત્રા કરી રહેલા પ્રશાંત કિશોરે ચૂંટણી પરિણામો પહેલા જ ભારે મતદાન પર પોતાની પ્રતિક્રિયા આપી હતી. 

યુટ્યુબ અને અન્ય સોશિયલ મીડિયા પ્લેટફોર્મ પર તેમણે જણાવ્યું કે, "બિહારની જનતા, ખાસ કરીને મહિલાઓ અને યુવાનોએ જે ઉત્સાહથી મતદાન કર્યું છે, તે સ્પષ્ટપણે દર્શાવે છે કે તેઓ વર્તમાન રાજદ અને ભાજપ-જેડીયુ, બંનેના શાસનથી કંટાળી ગયા છે." તેમણે દાવો કર્યો કે આ મતો 'જન સુરાજ' દ્વારા ઉભા કરાયેલા નવા વિકલ્પ અને મુદ્દા આધારિત રાજનીતિના સમર્થનમાં પડ્યા છે. (પ્રતિકાત્મક તસવીર)