ભાગલપુર, બિહાર : બિહાર વિધાનસભા ચૂંટણીના ઘમાસાણ વચ્ચે કોંગ્રેસના નેતા રાહુલ ગાંધીએ ભાગલપુર ખાતેની એક જાહેર સભામાં વડા પ્રધાન નરેન્દ્ર મોદી અને મુખ્યમંત્રી નીતીશ કુમાર પર સીધો અને તીવ્ર હુમલો કર્યો હતો.

રાહુલ ગાંધીએ આ નેતાઓ પર ગંભીર આરોપ લગાવતા કહ્યું કે, "નીતીશ કુમાર, નરેન્દ્ર મોદી, અમિત શાહ... આ નેતાઓએ બિહારને હિન્દુસ્તાનનું મજૂર બનાવી દીધું છે." તેમના આ નિવેદનથી તેમણે વિકાસ અને રોજગારના મુદ્દે કેન્દ્ર અને રાજ્ય સરકારની નીતિઓ પર આકરા પ્રહારો કર્યા હતા.

બિહારમાં મહાગઠબંધન વતી પ્રચાર કરી રહેલા રાહુલ ગાંધીએ સ્થાનિક લોકોની લાગણીઓને વાચા આપવાનો પ્રયાસ કર્યો હતો, જ્યાં રોજગાર માટે મોટા પાયે સ્થળાંતરનો મુદ્દો એક મોટો ચૂંટણી મુદ્દો છે.