બેઇજિંગ : ચીન દ્વારા ૨૦૨૦ થી ૨૦૨૫ દરમિયાન તેની મિસાઇલ ઉત્પાદન સુવિધાઓમાં કરવામાં આવેલા જબરદસ્ત વિસ્તરણના ચોંકાવનારા અહેવાલો સામે આવ્યા છે, જેને યુએસ અને તેના સાથીઓ માટે સીધો પડકાર માનવામાં આવે છે. તાજેતરના CNN સેટેલાઇટ રિપોર્ટ મુજબ, ચીને તેના મિસાઇલ ઉત્પાદન બેઝનો વિસ્તાર આશરે ૨૧ મિલિયન ચોરસ ફૂટ (૨ મિલિયન ચોરસ મીટર) વધાર્યો છે.
નિષ્ણાતોના મતે, આ વિસ્તરણ શી જિનપિંગના પીપલ્સ લિબરેશન આર્મી (PLA) ને "વિશ્વ-સ્તરીય લડાયક દળ" બનાવવાની પ્રતિબદ્ધતાનો ભાગ છે. હાલમાં, ચીન તેના રોકેટ ફોર્સ (PLARF) સંબંધિત ૧૩૬ સુવિધાઓનું સંચાલન કરે છે, જેમાંથી ૬૦% થી વધુનો છેલ્લા પાંચ વર્ષમાં નોંધપાત્ર વિસ્તાર થયો છે. સેટેલાઇટ છબીઓમાં નવા ફેક્ટરી ટાવર, બંકર અને પરીક્ષણ કેન્દ્રો દેખાઈ રહ્યા છે.

તાઇવાન અને યુએસ સામેની વ્યૂહરચના: નિષ્ણાતો માને છે કે આ નવા કેન્દ્રો પર બનાવવામાં આવી રહેલી મિસાઇલો ચીનને તાઇવાન પર કબજો કરવામાં અને જો હુમલો થાય તો યુએસ નેવીને દૂર રાખવા માટે "એન્ટિ-એક્સેસ ડેનાઇલ ઝોન" બનાવવામાં મુખ્ય ભૂમિકા ભજવી શકે છે.

પેસિફિક ફોરમના વિલિયમ આલ્બર્કે આને 'નવી શસ્ત્ર સ્પર્ધા' ગણાવતા કહ્યું કે, "ચીન મહાસત્તા બનવા તરફ આ એક નિર્ણાયક પગલું છે. ચીન આ સ્પર્ધામાં પહેલેથી જ દોડી ચૂક્યું છે અને મેરેથોનની તૈયારી કરી રહ્યું છે."