મહારાષ્ટ્રના નંદુરબાર જિલ્લામાં અક્લાકુવા-મોલ્ગી રોડ પર દેવગોઈ ઘાટ વિસ્તારમાં આજે સવારે એક સ્કૂલ બસ ખાડામાં પડી જતાં એક મોટો અકસ્માત સર્જાયો. પ્રાથમિક માહિતી મુજબ, બસમાં 20 થી 30 વિદ્યાર્થીઓ સવાર હતા. બસના ડ્રાઈવરે કાબુ ગુમાવ્યો અને બસ લગભગ 100 થી 150 ફૂટ ઊંડા ખાડામાં ખાબકી ગઈ. 

પ્રાથમિક માહિતી મુજબ, એક વિદ્યાર્થીનું ઘટનાસ્થળે જ મોત થયું, જ્યારે અન્ય ઘણા બાળકો ગંભીર રીતે ઘાયલ થયા. તમામ ઘાયલોને અક્લાકુવા ગ્રામીણ હોસ્પિટલમાં દાખલ કરવામાં આવ્યા છે. બસ મોલ્ગી ગામથી અક્લાકુવા જઈ રહી હતી ત્યારે આમલીબારી વિસ્તારમાં અકસ્માત થયો. બસ પડી ગયા બાદ સંપૂર્ણપણે કચડી ગઈ હતી. સ્થાનિક વહીવટીતંત્ર અને પોલીસ ઘટનાસ્થળે પહોંચી ગયા છે અને રાહત અને બચાવ કાર્યમાં રોકાયેલા છે.