નવી દિલ્‍હી, તા.૧૧: દિલ્‍હીમાં હવાની ગુણવત્તા સતત ખૂબ જ ખરાબ શ્રેણીમાં નોંધાઈ રહી છે. પ્રદૂષણ ઘટાડવા માટે, ઘણા દિવસોથી ઉચ્‍ચ AQI ધરાવતા વિસ્‍તારોમાં પાણીનો છંટકાવ કરવામાં આવી રહ્યો છે. કમિશન ફોર એર ક્‍વોલિટી મેનેજમેન્‍ટ એ અહેવાલ આપ્‍યો છે કે દિલ્‍હીનો AQI ૪૦૧-૪૫૦ ની વચ્‍ચે નોંધાયો છે. પરિસ્‍થિતિને ધ્‍યાનમાં રાખીને, GRAP-3 ના અમલીકરણની જાહેરાત કરવામાં આવી છે. આ પહેલા, GRAP-1 અને ૨ લાગુ કરવામાં આવ્‍યા હતા. GRAP-3 ના અમલીકરણ સાથે, દિલ્‍હીને વધારાના પ્રતિબંધોનો સામનો કરવો પડશે.

આજે, કમિશન ફોર એર ક્‍વોલિટી મેનેજમેન્‍ટે દિલ્‍હીમાં GRAP-3 ના અમલીકરણની જાહેરાત કરી. તે GRAP-2 કરતા વધુ પ્રતિબંધો લાદે છે. રોડ, રેલ્‍વે અને એરપોર્ટ પ્રવળત્તિઓ ઉપરાંત, બાંધકામ અને તોડી પાડવાની પ્રવળત્તિઓ પર પ્રતિબંધ રહેશે. ડીઝલથી ચાલતા વાહનો પર પણ પ્રતિબંધ છે. વધુમાં, ધૂળ ઘટાડવા માટે રસ્‍તાઓ પર નિયમિતપણે છંટકાવ કરવામાં આવશે.

ગેપ-૩ લાગુ થયા પછી, સિમેન્‍ટ અને માટી સાથે સંકળાયેલા કામ પર પ્રતિબંધ છે. આવી સામગ્રી વહન કરતા ટ્રકો પર પણ પ્રતિબંધ છે. ડીઝલ બસો ચાલતી નથી, અને ધોરણ ૫ સુધીની શાળાઓમાં વર્ગો ઓનલાઈન ચલાવવામાં આવે છે. સ્‍ટોન ક્રશર્સ અને ખાણકામ કામગીરી પણ સ્‍થગિત છે.

ઇમરજન્‍સી સેવાઓ સિવાય, ડીઝલ જનરેટર પર પ્રતિબંધ છે. કંપનીઓ ઘરેથી કામ કરે છે અથવા હાઇબ્રિડ મોડમાં પણ કામ કરે છે. જોકે, શાળાઓ અને કોલેજો અંગે દિલ્‍હી સરકાર દ્વારા હજુ સુધી કોઈ સત્તાવાર નિવેદન જારી કરવામાં આવ્‍યું નથી.