છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
મહત્વના સમાચારો ઊડતી નજરે.... 4:33 PM
નશામાં ગાડી ચલાવી અકસ્માત કરનારી ગુજરાતી મહિલાને ૭ વર્ષની જેલ
સોનલ પટેલે ફેબ્રુઆરી ૨૦૨૪માં જ્યોર્જિયામાં કરેલા અક્માતમાં ક્યૂબાના એક ઈમિગ્રન્ટનું મોત થઈ ગયું હતું
જ્યોર્જિયા તા.૧૨: જ્યોર્જિયામાં દારૂ પીને કાર ચલાવી અકસ્માત કરનારા સોનલ નંદકિશોર પટેલ નામના એક ગુજરાતી મહિલાને કોર્ટ દ્વારા સાત વર્ષની જેલની સજા ફટકારવામાં આવી છે. સોનલ પટેલને આમ તો કુલ ૨૫ વર્ષની સજા કરાઈ છે જેમાં સાત વર્ષ તેમને જેલમાં વિતાવવાના રહેશે અને બાકીના સમયગાળા દરમિયાન તેમને પ્રોબેશન હેઠળ રાખવામાં આવશે. સોનલ પટેલે ફેબ્રુઆરી ૨૦૨૪માં ગ્વિનેટ કાઉન્ટીમાં ઈન્ટરસ્ટેટ ૮૫ પર આ અકસ્માત કર્યો હતો જેમાં ઓમર ઓર્ટિઝ નામના એક ક્યૂબનનું મોત થઈ ગયું હતું.
૪૦ વર્ષીય સોનલ પટેલે વ્હીક્યુલર હોમિસાઈડ અને ઝશ્ત્ના ગુનાની કબૂલાત કરી લીધી હતી, અરેસ્ટ બાદ તેમને બોન્ડ પર રિલીઝ પણ કરી દેવાયા હતા પરંતુ હવે સજાનું એલાન થતાં તેમને ફરી જેલમાં સરેન્ડર કરવું પડશે. પ્રોસેક્યુટર્સના જણાવ્યા અનુસાર સોનલ પટેલે અકસ્માત કર્યો ત્યારે તેઓ દારૂના નશામાં હતા તેમજ સાથે જ તેમણે ટ્રાઝોડોન નામનું પ્રિસ્ક્રાઈબ્ડ ડ્રગ લીધું હતું. ધરપકડ બાદ પોલીસે કરેલી પૂછપરછમાં સોનલ પટેલે એવો પણ દાવો કર્યો હતો કે પોતે બે દિવસથી ઊંઘ્યા નથી. તેમની કારની ટક્કરથી જે યુવકનું મોત થયું હતું તેની ઉંમર ૨૯ વર્ષ હતી અને તે બે બાળકોનો પિતા હતો અને તેને ક્યૂબાથી અમેરિકા આવ્યે થોડા જ દિવસો થયા હતા.
અકસ્માત થયો તે વખતે સોનલ પટેલની કારમાંથી પોલીસને નશીલો પદાર્થ પણ મળી આવ્યો હતો, તે રાતે સોનલ પટેલ પોતાની કારને રસ્તાની વચ્ચોવચ ઉભી કરીને તેની અંદર જ સૂઈ ગયા હતા અને તેમની કારની પાછળ મૃતકની ગાડી અથડાઈ હતી. ચોંકાવનારી વાત એ છે કે સોનલ પટેલે આ અકસ્માત કર્યો ત્યારે તેઓ સસ્પેન્ડેડ લાઈસન્સ પર ડ્રાઈવ કરી રહ્યા હતા. આ અકસ્માતમાં દેખીતી રીતે સોનલ પટેલનો જ વાંક હતો, તેમ છતાંય તેમને બોન્ડ પર રિલીઝ કરાયા ત્યારે મૃતકની ફેમિલીએ ખાસ્સો હોબાળો મચાવ્યો હતો.
આ કેસમાં સોનલ પટેલની પહેલીવાર ફેબ્રુઆરી ૨૦૨૪માં ધરપકડ થઈ હતી અને ત્યારે તેમને બોન્ડ પર છોડી પણ દેવાયા હતા. તે વખતે તેમનું બ્લડ સેમ્પલ લેવામાં આવ્યું હતું જેનો રિપોર્ટ મે મહિનામાં આવતા દારૂ પીને ગાડી ચલાવવાના કેસમાં સોનલ પટેલ ફરી અરેસ્ટ થયા હતા અને તેમને બોન્ડ પણ મળી ગયા હતા. નશામાં ચકચૂર સોનલ પટેલે અકસ્માત થયો તે દિવસે સવારે ચાર વાગ્યે પોતાની કાર ટ્રાવેલ લેનની વચોવચ ઉભી રાખી દીધી હતી. તે પહેલા ૨૦૦૭માં પણ સોનલ પટેલની DUIમાં જ ધરપકડ થઈ હતી.
સોનલ પટેલની જેમ જ માર્ચ ૨૦૨૪માં ફિલાડેલ્ફિયામાં ૨૩ વર્ષની ડિમ્પલ પટેલે પણ નશાની હાલતમાં કાર ચલાવીને અકસ્માત કરતા બે લોકોના મોત થયા હતા. આ અકસ્માત થયો ત્યારે ડિમ્પલ ફોર્ડ મસ્ટાંગ મેક-ઈ કાર ચલાવી રહી હતી, રાતે ત્રણ વાગ્યે આ કાર ૭૨ માઈલ પ્રતિ કલાકની ઝડપે બ્લૂક્રુઝ હેન્ડ્સ-ફ્રી ડ્રાઈવિગ ફીચર અને અડેપ્ટિવ ક્રુઝ કંટ્રોલ સિસ્ટમ પર દોડી રહી હતી. ડિમ્પલની કારે બે ગાડીઓને અડફેટે લીધી હતી અને કુલ ચાર વાહનો વચ્ચે થયેલી ટક્કરમાં બે યુવકોના મોત થઈ ગયા હતા. ડિમ્પલને પણ અકસ્માત બાદ અરેસ્ટ કરાયા પછી તેનો બ્લડ રિપોર્ટ પોઝિટિવ આવતા ફરી કસ્ટડીમાં લેવાઈ હતી.
પ્રિ-મેડિકલ સ્ટૂડન્ટ ડિમ્પલ પટેલ પર ઓગસ્ટમાં દારૂ પીને ગાડી ચલાવવા ઉપરાંત પુરાવા સાથે છેડછાડ, બેફામ ડ્રાઈવિગ તેમજ અકસ્માત કરી કોઈનું મોત નીપજાવવાસહિતના ચાર્જિસ લગાવવામાં આવ્યા હતા અને આ કેસની ટ્રાયલ હજુય ચાલુ છે. જોકે, જાન્યુઆરી ૨૦૨૫માં ડિમ્પલ પર લગાવાયેલો પુરાવા સાથે છેડછાડ કરવાનો આરોપ પડતો મૂકવામાં આવ્યો હતો. સપ્ટેમ્બર ૨૦૨૪માં ડિમ્પલને બે લાખ ડોલરના બોન્ડ પર છોડવામાં આવી હતી.
ડિમ્પલે જે જગ્યાએ અકસ્માત કર્યો ત્યાં સ્પીડ લિમિટ ૪૫ માઈલ પ્રતિ કલાકની હતી જ્યારે ડિમ્પલ ૭૨ માઈલની સ્પીડે કાર ચલાવી રહી હતી તેમજ તેણે અકસ્માતને નિવારવા માટે બ્રેક મારવાનો પ્રયાસ પણ ના કર્યો હોવાનું તે સમયે તપાસમાં જાણવા મળ્યું હતું. તે કોર્ટમાં હાજર થઈ ત્યારે તેને અકસ્માત સમયના ફોટોગ્રાફ બતાવાયા હતા જેમાં એક ફોટોગ્રાફમાં તે સ્ટિયરિગ છોડીને ફોન જોતી કેપ્ચર થઈ હતી. આ ફોટો સર્વેલન્સ કેમેરામાં કેપ્ચર થયો તેની ત્રીજી સેકન્ડે ડિમ્પલની ગાડીનો અકસ્માત થયો હતો.(૩૮.૩)
(10:02 AM IST)
