કેલિફોર્નિયા, 12 નવેમ્બર, 2025 : બ્રાઝિલના એમેઝોનમાં યોજાઈ રહેલી મહત્વપૂર્ણ સંયુક્ત રાષ્ટ્ર (UN) ક્લાઇમેટ સમિટમાં યુએસ પ્રમુખ ડોનાલ્ડ ટ્રમ્પની ગેરહાજરી રાજકીય ચર્ચાનું કેન્દ્ર બની છે. ટ્રમ્પની ગેરહાજરીનો ફાયદો ઉઠાવતા, તેમના રાજકીય હરીફ અને કેલિફોર્નિયાના ગવર્નર ગેવિન ન્યૂઝમે તેમના પર તીવ્ર પ્રહારો કર્યા હતા.

ગવર્નર ન્યૂઝમે સરેઆમ ટ્રમ્પની અશ્મિભૂત ઇંધણ (Fossil Fuel) ને સમર્થન આપતી નીતિઓની આકરી ટીકા કરી હતી. ન્યૂઝમે સ્પષ્ટપણે જણાવ્યું હતું કે ટ્રમ્પની નીતિઓ આબોહવા પરિવર્તન સામેની લડાઈને નબળી પાડી રહી છે અને તે વૈશ્વિક પર્યાવરણીય લક્ષ્યોની વિરુદ્ધ છે.

આ દરમિયાન, COP30 ક્લાઇમેટ સમિટમાં વાતાવરણ વધુ તંગ બન્યું હતું. બ્રાઝિલના બેલેમમાં ડઝનબંધ સ્વદેશી વિરોધીઓએ નાટકીય પ્રદર્શન કરીને જંગલોના રક્ષણ અને આબોહવા સંકટને પહોંચી વળવા માટે તાત્કાલિક પગલાં લેવાની માંગ કરી હતી. એક તરફ રાજકીય નેતાઓ વચ્ચેની ખેંચતાણ અને બીજી તરફ પર્યાવરણ સંરક્ષણ માટે સ્વદેશી લોકોના આક્રોશથી આંતરરાષ્ટ્રીય સ્તરે આબોહવા નીતિઓ પર દબાણ વધી રહ્યું છે.