નવી દિલ્હી, ૧૩ નવેમ્બર, ૨૦૨૫: શિક્ષણ ક્ષેત્રે પારદર્શિતા અને પ્રમાણભૂતતા જાળવવા માટે નેશનલ એસેસમેન્ટ એન્ડ એક્રેડિટેશન કાઉન્સિલ (NAAC) એ આજે એક મોટું પગલું ભર્યું છે. NAAC એ ફરીદાબાદ સ્થિત અલ-ફલાહ યુનિવર્સિટી ને તેની વેબસાઇટ પર ખોટી માન્યતા (એક્રેડિટેશન) દર્શાવવા બદલ કારણદર્શક નોટિસ (Show Cause Notice) ફટકારી છે.

NAAC દ્વારા ફટકારવામાં આવેલી નોટિસમાં સ્પષ્ટપણે જણાવાયું છે કે અલ-ફલાહ યુનિવર્સિટી મૂલ્યાંકન અને માન્યતા માટે 'સાયકલ વન' હેઠળ માન્યતા પ્રાપ્ત નથી. યુનિવર્સિટીએ જાહેરમાં એવું પણ દર્શાવ્યું હતું કે તે અલ-ફલાહ ચેરિટેબલ ટ્રસ્ટનો પ્રયાસ છે, જે કેમ્પસમાં ત્રણ કોલેજો ચલાવી રહી છે. કાઉન્સિલે આ માહિતીને સંપૂર્ણપણે ખોટી ગણાવી છે અને કહ્યું છે કે તે વાલીઓ, વિદ્યાર્થીઓ અને હિસ્સેદારો સહિત જનતાને ગેરમાર્ગે દોરે છે.

NAAC એ યુનિવર્સિટી પાસેથી આ અંગે સ્પષ્ટતા માંગી છે અને તાત્કાલિક તેની વેબસાઇટ તેમજ અન્ય જાહેર દસ્તાવેજોમાંથી NAAC માન્યતાની વિગતો દૂર કરવાનો નિર્દેશ આપ્યો છે. યુનિવર્સિટીને આ કારણદર્શક નોટિસ મળ્યાના ૭ દિવસની અંદર જવાબ આપવા માટે જણાવવામાં આવ્યું છે.

નોંધનીય છે કે અલ-ફલાહ યુનિવર્સિટી દિલ્હી બ્લાસ્ટ કેસના સંદર્ભમાં પણ તપાસ હેઠળ હોવાનું કહેવાય છે.