લુધિયાણા : પંજાબમાં અશાંતિ ફેલાવવાના પાકિસ્તાન પ્રેરિત ષડયંત્રને લુધિયાણા કમિશનરેટ પોલીસે મોટી કાર્યવાહી કરીને નિષ્ફળ બનાવ્યું છે. પોલીસે પાકિસ્તાનની ગુપ્તચર એજન્સી ISI થી પ્રેરિત ગ્રેનેડ હુમલાના એક મોડ્યુલનો પર્દાફાશ કરીને તેના ૧૦ મુખ્ય ઓપરેટિવ્સની ધરપકડ કરી છે.

પોલીસના જણાવ્યા અનુસાર, ધરપકડ કરાયેલા આરોપીઓ પાકિસ્તાન સ્થિત હેન્ડલરોના ઈશારે પંજાબના ભીડભાડવાળા વિસ્તારમાં ગ્રેનેડ હુમલો કરવાનું કાવતરું ઘડી રહ્યા હતા.

પાકિસ્તાન-મલેશિયા કનેક્શન: પ્રારંભિક તપાસમાં સામે આવ્યું છે કે આ મોડ્યુલ પાકિસ્તાની હેન્ડલર સાથે સીધો નહીં, પરંતુ મલેશિયા સ્થિત ત્રણ ઓપરેટિવ્સ મારફતે જોડાયેલો હતો. આ મલેશિયન ઓપરેટિવ્સ ગ્રેનેડના સંગ્રહ અને વિતરણનું સંકલન કરી રહ્યા હતા. તેમનો મુખ્ય ઉદ્દેશ્ય વસ્તીવાળા વિસ્તારમાં વિસ્ફોટક હુમલો કરીને રાજ્યમાં શાંતિ ડહોળવાનો હતો.

પંજાબ પોલીસે રાજ્યમાં શાંતિ અને સુરક્ષા જાળવવા માટે આતંકવાદી નેટવર્કને તોડી પાડવાની પોતાની પ્રતિબદ્ધતા દોહરાવી છે.