બિહાર વિધાનસભા ચૂંટણીના તાજેતરના પરિણામોના ચૂંટણી પંચના આંકડા ખૂબ જ રસપ્રદ ચિત્ર રજૂ કરે છે. રાષ્ટ્રીય જનતા દળ (રાજદ) લગભગ ૧.૧૫ કરોડ મત (૨૩ ટકા) મેળવીને રાજ્યનો સૌથી વધુ મત મેળવનાર પક્ષ બન્યો છે. જોકે, બેઠકો જીતવાની બાબતમાં ભાજપ-જેડીયુ ગઠબંધન ઘણું આગળ નીકળી ગયું છે.

આંકડા મુજબ, ભાજપને ૧ કરોડ મત (૨૦.૦૮ ટકા) મળ્યા, જેનાથી તેણે ૮૯ બેઠકો જીતી. 

જ્યારે જેડીયુને ૯૬.૬૭ લાખ મત (૧૯.૨૫ ટકા) મળ્યા અને તેણે ૮૫ બેઠકો પર વિજય મેળવ્યો. 

બીજી તરફ, સૌથી વધુ મત મેળવનાર રાજદને માત્ર ૨૫ બેઠકોથી સંતોષ માનવો પડ્યો. 

કોંગ્રેસને ૪૩.૭૪ લાખ મત (૮.૭૧ ટકા) સાથે ૬ બેઠકો અને એલજેપીને ૨૪.૬૭ લાખ મત (૪.૯૭ ટકા) સાથે ૧૯ બેઠકો મળી છે. આ પરિણામો દર્શાવે છે કે મત ટકાવારીનું બેઠકોમાં રૂપાંતર કરવામાં ગઠબંધનની રણનીતિ વધુ સફળ રહી છે.