નેશનલ કેપિટલ રિજન ટ્રાન્સપોર્ટ કોર્પોરેશને (એનસીઆરટીસી) ગાઝિયાબાદ સ્થિત પોતાના દુહાઈ ડેપો ખાતે ભારતના સૌપ્રથમ 'સોલર ઓન ટ્રેક' પ્રોજેક્ટનો શુભારંભ કર્યો છે. આરઆરટીએસ પ્રોજેક્ટ અંતર્ગત આ નવીન પહેલ દ્વારા રેલવે ટ્રેકની ઉપર જ સોલર પેનલ લગાવવામાં આવી છે, જે સ્વચ્છ ઉર્જા ઉત્પાદનમાં એક નવો માપદંડ સ્થાપિત કરશે.

આ પ્રોજેક્ટનો મુખ્ય ઉદ્દેશ્ય 'નમો ભારત' ટ્રેનોના સંચાલન માટે હરિત ઉર્જાનો ઉપયોગ કરવાનો અને કાર્બન ઉત્સર્જન ઘટાડવાનો છે. ડેપોમાં ટ્રેક પર સોલર પેનલ લગાવવાથી જમીનનો મહત્તમ ઉપયોગ પણ સુનિશ્ચિત થયો છે. એનસીઆરટીસીની આ પહેલ ભારતમાં અન્ય મેટ્રો અને રેલ પ્રોજેક્ટ્સ માટે એક પ્રેરણાદાયી ઉદાહરણ પૂરું પાડશે અને ભારતને હરિત ઉર્જાના લક્ષ્યો હાંસલ કરવામાં મદદ કરશે