ઉત્તર પ્રદેશના પ્રતાપગઢ જિલ્લામાં એક ભૌતિકશાસ્ત્રના શિક્ષકની ગાંજાની તસ્કરીના આરોપસર ધરપકડ કરવામાં આવતા ચકચાર મચી ગઈ છે. આ શિક્ષક શિક્ષણની આડમાં મોટા પાયે નશાનો કારોબાર ચલાવતો હતો. પોલીસે જ્યારે તેના ઘરે દરોડો પાડ્યો, ત્યારે ત્યાંનું દ્રશ્ય જોઈને અધિકારીઓ પણ ચોંકી ઉઠ્યા હતા.
ઘરમાંથી કોથળાઓમાં ભરીને રાખેલા ૨ કરોડ રૂપિયાથી વધુની રોકડ રકમ મળી આવી હતી. આ ઉપરાંત, મોટા પ્રમાણમાં ગાંજો પણ જપ્ત કરવામાં આવ્યો છે.
જોકે, ધરપકડ બાદ શિક્ષકની માતાએ મીડિયા સમક્ષ રડતાં રડતાં દાવો કર્યો હતો કે તેના પુત્રને તેના મોટા ભાઈએ જ ખોટા કેસમાં ફસાવી દીધો છે. પોલીસે આ દાવા અંગે પણ તપાસ શરૂ કરી છે અને આ મોટા નેટવર્કના મૂળ સુધી પહોંચવાના પ્રયાસો હાથ ધર્યા છે