ભારતીય વાયુસેના (આઈએએફ) અને ફ્રેન્ચ એર એન્ડ સ્પેસ ફોર્સ (એફએએસએફ) વચ્ચેના દ્વિપક્ષીય હવાઈ યુદ્ધ અભ્યાસ 'ગરુડ ૨૫' ની આઠમી આવૃત્તિ માટે ભારતીય ટુકડી ફ્રાન્સ પહોંચી ગઈ છે. 

આ કવાયત આવતીકાલે ૧૬ નવેમ્બરથી ૨૭ નવેમ્બર દરમિયાન ફ્રાન્સના મોન્ટ-દે-માર્સન એરબેઝ પર યોજાશે.

ભારતીય વાયુસેનાનું પ્રતિનિધિત્વ સુખોઈ-૩૦ એમકેઆઈ લડાકૂ વિમાનોનું સ્ક્વોડ્રન કરી રહ્યું છે, જે ૧૦ નવેમ્બરે ફ્રાન્સ પહોંચ્યું હતું. 

આ યુદ્ધ અભ્યાસનો મુખ્ય ઉદ્દેશ્ય બંને દેશોની વાયુસેનાઓ વચ્ચેના પરસ્પર તાલમેલને વધારવો અને અત્યાધુનિક યુદ્ધ તકનીકોની આપ-લે કરવાનો છે. આ કવાયત બંને દેશો વચ્ચેની મજબૂત સંરક્ષણ ભાગીદારીનું પ્રતિક છે.