નવી દિલ્હી: બિહાર વિધાનસભા ચૂંટણીમાં NDA ગઠબંધનની જબરદસ્ત જીત બાદ નવી સરકારની રચનાની પ્રક્રિયાએ વેગ પકડ્યો છે. કેન્દ્રીય ગૃહમંત્રી અમિત શાહના નિવાસસ્થાને આજે રાજકીય હલચલ જોવા મળી હતી, જ્યાં ભાજપના રાષ્ટ્રીય પ્રમુખ જે.પી. નડ્ડા, બિહાર ચૂંટણી પ્રભારી ધર્મેન્દ્ર પ્રધાન અને સહ-પ્રભારી વિનોદ તાવડે સહિત જેડીયુના નેતાઓ લલ્લન સિંહ અને સંજય ઝા એ મુલાકાત લીધી હતી. આ બેઠકોમાં ચૂંટણી પરિણામોની સમીક્ષા કરવામાં આવી અને આગામી સરકાર રચના માટેના રોડમેપ પર ચર્ચા કરવામાં આવી હતી.

સૂત્રોના અહેવાલો મુજબ, વર્તમાન મુખ્યમંત્રી નીતિશ કુમાર સોમવારે રાજ્યપાલને પોતાનું રાજીનામું સુપરત કરે તેવી સંભાવના છે, જે નવી સરકાર બનાવવાની પ્રક્રિયાને ઔપચારિક રીતે શરૂ કરશે. ૨૨ નવેમ્બર પહેલા શપથ ગ્રહણ સમારોહની તારીખ વડા પ્રધાન નરેન્દ્ર મોદીની ઉપલબ્ધતાના આધારે નક્કી કરવામાં આવશે.

આગામી સપ્તાહે NDA વિધાનસભા પક્ષની સંયુક્ત બેઠક યોજાશે, જેમાં નીતિશ કુમારને ઔપચારિક રીતે ગઠબંધન નેતા તરીકે ચૂંટવામાં આવશે. અમિત શાહ સાથેની બેઠકોમાં સંભવિત મંત્રીમંડળનું કદ, પોર્ટફોલિયો ફાળવણી અને શાસન પ્રાથમિકતાઓ પર પણ વ્યૂહાત્મક ચર્ચા થઈ હોવાનું માનવામાં આવે છે. રાષ્ટ્રીય નેતૃત્વ ઈચ્છે છે કે નવી સરકાર તેના પ્રથમ ૧૦૦ દિવસોમાં કાયદો અને વ્યવસ્થા, મહિલાઓ માટેની યોજનાઓ અને રોજગાર મોડેલ પર ધ્યાન કેન્દ્રિત કરીને સ્પષ્ટ વહીવટી સંદેશ આપે