બાંગ્લાદેશના પૂર્વ વડાપ્રધાન શેખ હસીના સાથે તત્કાલીન ગૃહમંત્રી અસદુઝ્ઝમાન ખાનને ફાંસીની સજા
તત્કાલીન આઈજીપી ચૌધરી અબ્દુલ્લા અલ-મામુન સરકારી સાક્ષી બન્યા હતા : તેમણે ગુનો કબૂલ કર્યો હતો : આ કારણે ટ્રિબ્યુનલે તેમને પાંચ વર્ષની જેલની સજા ફટકારી : ૨૦૨૪ના વિદ્યાર્થી આંદોલન કેસમાં બાંગ્લાદેશ - ઢાકાની ઈન્ટરનેશનલ ક્રાઈમ્સ ટ્રિબ્યુનલ (આઈસીટી)એ આપેલ ચુકાદાની વિગતો
ઢાકા/નવી દિલ્હી : બાંગ્લાદેશના રાજકારણમાં ભૂકંપ સર્જતા એક ઐતિહાસિક ચુકાદામાં, દેશના પૂર્વ વડાપ્રધાન શેખ હસીનાને ઢાકા સ્થિત એક વિશેષ અદાલતે ફાંસીની સજા ફટકારી છે. ૭૮ વર્ષીય શેખ હસીના, જેઓ ઓગસ્ટ ૨૦૨૪માં વ્યાપક વિદ્યાર્થી આંદોલન બાદ સત્તા છોડીને ભારત દેશનિકાલમાં છે, તેમને તેમની ગેરહાજરીમાં આ સજા સંભળાવવામાં આવી છે.
આ કેસ જુલાઈ-ઓગસ્ટ ૨૦૨૪ માં થયેલા ‘જુલાઈ વિદ્રોહ' નામના વિદ્યાર્થી આંદોલન દરમિયાન થયેલી હિંસક કાર્યવાહી અને સેંકડો લોકોના મૃત્યુ સાથે સંબંધિત છે. બાંગ્લાદેશની ઈન્ટરનેશનલ ક્રાઈમ્સ ટ્રિબ્યુનલ (આઈસીટી) એ શેખ હસીનાને ‘માનવતા વિરુદ્ધના ગુનાઓ' માટે દોષિત ઠેરવ્યા છે. ટ્રિબ્યુનલે હસીનાની સાથે તત્કાલીન ગૃહમંત્રી અસદુઝ્ઝમાન ખાનને પણ આ જ ગુનામાં મોતની સજા સંભળાવી છે. આ જ કેસમાં ત્રીજા મુખ્ય આરોપી, તત્કાલીન પોલીસ મહાનિરીક્ષક (આઈજીપી) ચૌધરી અબ્દુલ્લા અલ-મામુન, સરકારી સાક્ષી બન્યા હતા અને તેમણે ગુનો કબૂલ કર્યો હતો. આ કારણે ટ્રિબ્યુનલે તેમને પાંચ વર્ષની જેલની સજા ફટકારી છે.
ચુકાદાની મુખ્ય વિગતો અને આરોપો
અદાલતે ચુકાદો આપતી વખતે જે મુખ્ય મુદ્દાઓ નોંધ્યા તે નીચે મુજબ છે
જ્જ અદાલત : આ ચુકાદો બાંગ્લાદેશની ઈન્ટરનેશનલ ક્રાઈમ્સ ટ્રિબ્યુનલ (આઈસીટી) દ્વારા આપવામાં આવ્યો છે. (યુદ્ધ અપરાધો અને માનવતા વિરુદ્ધના ગુનાઓ માટે રચાયેલી વિશેષ અદાલત).
જ્જ મુખ્ય આરોપ : શેખ હસીના અને તેમના સાથીઓ પર જુલાઈ-ઓગસ્ટ ૨૦૨૪ ના આંદોલન દરમિયાન પ્રદર્શનકારીઓ પર જીવલેણ બળપ્રયોગ કરવાનો, ગોળીબારનો આદેશ આપવાનો અને સેંકડો લોકોની હત્યા કરાવવાનો આરોપ હતો.
જ્જ ગુનાનું સ્વરૂપ : ટ્રિબ્યુનલે આ કૃત્યોને ‘માનવતા વિરુદ્ધના ગુના' તરીકે ગણાવ્યા છે.
મુખ્ય દોષિતો
જ્જ શેખ હસીના (પૂર્વ વડાપ્રધાન) : આદેશ આપવા, ઉશ્કેરણી કરવા અને અત્યાચારો રોકવામાં નિષ્ફળ જવા બદલ દોષિત. (ફાંસીની સજા).
જ્જ અસદુઝ્ઝમાન ખાન (પૂર્વ ગૃહમંત્રી) : આદેશોનું પાલન કરાવવા અને હિંસા માટે સીધા જવાબદાર. (ફાંસીની સજા).
જ્જ ચૌધરી અબ્દુલ્લા અલ-મામુન (પૂર્વ આઈજીપી) : સરકારી સાક્ષી બન્યા અને ગુનો કબૂલ્યો. (પાંચ વર્ષની કેદ).
જ્જ ટ્રાયલ : શેખ હસીના અને અસદુઝ્ઝમાન ખાન બંને દેશનિકાલમાં હોવાથી તેમની ગેરહાજરીમાં (ઇન એબ્સેન્શિયા) કેસ ચલાવવામાં આવ્યો હતો.
જ્જ મૃત્યુઆંક : સંયુક્ત રાષ્ટ્ર (યુએન) ના અહેવાલ મુજબ, આ આંદોલન દરમિયાન લગભગ ૧૪૦૦ લોકો માર્યા ગયા હતા.
બાંગ્લાદેશમાં હાઈ એલર્ટ, હસીનાએ કહ્યું- ચુકાદો પક્ષપાતી
આ ચુકાદાના પગલે બાંગ્લાદેશની રાજધાની ઢાકા સહિત સમગ્ર દેશમાં સુરક્ષા વ્યવસ્થા અત્યંત કડક કરી દેવામાં આવી છે. હસીનાની પાર્ટી અવામી લીગ દ્વારા વિરોધ પ્રદર્શનની આશંકાએ ઠેરઠેર સેના, પોલીસ અને અર્ધલશ્કરી દળોને તૈનાત કરવામાં આવ્યા છે. અગાઉ, હિંસા અને આગચંપી કરનારા તત્વોને ઙ્કદેખો ત્યાં ઠાર મારવાઙ્ઘ (શૂટ-એટ-સાઇટ) ના આદેશો પણ જારી કરવામાં આવ્યા હતા.
બીજી તરફ, ભારતમાં શરણ લઈ રહેલા શેખ હસીનાએ આ ચુકાદાને ‘પક્ષપાતી અને રાજકીય રીતે પ્રેરિત' ગણાવ્યો છે. તેમણે કહ્યું કે આ ટ્રિબ્યુનલ ‘કંગારૂ કોર્ટ' છે અને તેમને બદનામ કરવા માટે આ કાર્યવાહી કરવામાં આવી છે.
(3:48 PM IST)
છેલ્લા 8 દિવસમાં સૌથી લોકપ્રિય 
