નવી દિલ્હી :દેશવાસીઓને ભવ્ય ઐતિહાસિક, સાંસ્કૃતિક અને ધાર્મિક વારસાની ઝલક આપવા અને પ્રોત્સાહન આપવાના ઉદ્દેશ્ય સાથે IRCTCએ જાન્યુઆરી 2026થી ભારત ગૌરવ ડિલક્સ AC ટુરિસ્ટ ટ્રેન દ્વારા બે ખાસ ટુર સર્કિટ, "ગરવી ગુજરાત" અને "પધારો રાજસ્થાન" શરૂ કરવામાં આવી રહી છે.

"ગરવી ગુજરાત" ભારત ગૌરવ ડીલક્સ એસી ટૂરિસ્ટ ટ્રેન ઘણી બધી અત્યાધુનિક સુવિધાઓથી સજ્જ છે. આ ટ્રેનમાં મુસાફરો માટે બે ભોજનની રેસ્ટોરાં અને આધુનિક રસોડું છે. તેના કોચમાં શાવર ક્યુબિકલ્સ, સેન્સર આધારિત વૉશરૂમ ફંક્શન અને ફૂટ મસાજર સુવિધા પણ છે. આ સંપૂર્ણ રીતે વાતાનુકૂલિત ટ્રેનમાં ફર્સ્ટ એસી, સેકન્ડ એસી અને થર્ડ એસી ની સુવિધાઓ ઉપલબ્ધ છે. ટ્રેનના દરેક કોચમાં સીસીટીવી કેમેરા લગાવવામાં આવ્યા છે અને સુરક્ષા ગાર્ડની પણ જોગવાઈ છે. આ પ્રવાસી ટ્રેન ની ક્ષમતા 150 મુસાફરોની છે.

"ગરવી ગુજરાત" ટૂર શાહી મહેલો, પ્રાચીન વારસા સ્થળો, આધ્યાત્મિક દરિયાકિનારા અને સાંસ્કૃતિક સ્થળોનું સંપૂર્ણ મિશ્રણ છે. આ 10-દિવસ, 9-રાત્રિની યાત્રા ગુજરાતના ઘણા મુખ્ય સ્થળોને આવરી લે છે. જેમાં ખાસ કરીને આ શહેરો અને ધાર્મિક સ્થળોની ખાસ ટૂર રહેશે. જેમાં વડોદરા, ચંપાનેર: પાવાગઢ પુરાતત્વીય ઉદ્યાન, યુનેસ્કો વર્લ્ડ હેરિટેજ સાઇટ, સ્ટેચ્યુ ઓફ યુનિટી, પ્રથમ જ્યોતિર્લિંગ સોમનાથ, દ્વારકા, દીવ, અમદાવાદ, મોઢેરા સૂર્ય મંદિર, પાટણ - રાણી કી વાવ, યુનેસ્કો હેરિટેજ સાઇટ, સમૃદ્ધ ઇતિહાસ અને સંસ્કૃતિનું એક પ્રાચીન શહેર વડનગર...આ યાત્રા ગુજરાતના આધ્યાત્મિક, સાંસ્કૃતિક અને ઐતિહાસિક વારસા તરફ લાવે છે અને રાજ્યના વિવિધ રીતિરીવાજો અને વિવિધ સ્થળોના ઇતિહસનો પરિચય કરાવે છે.

"પધારો રાજસ્થાન" યાત્રા પ્રવાસીઓને ભારતના શાહી હૃદયમાં લઈ જાય છે, જ્યાં પરંપરા, ઇતિહાસ અને શાહી સંસ્કૃતિનો અનોખો ભળવો છે. રાજસ્થાનની આ યાત્રામાં જયપુર, જૈસલમેર, જોધપુર સહિતના વિવિધ સ્થળો જે ભવ્ય કિલ્લાઓ, ભવ્ય મહેલો, રણના લેન્ડસ્કેપ્સ અને જીવંત સંસ્કૃતિનો યાદગારની અનુભૂતિ અપાવશે.

ભારત ગૌરવ ડિલક્સ એસી ટ્રેન આધુનિક સુવિધાઓથી સજ્જ છે, જેમાં બે ઉત્કૃષ્ટ રેસ્ટોરન્ટ્સ, ફ્લેમલેસ આધુનિક રસોડા, શાવર ક્યુબિકલ્સ, સેન્સર-આધારિત વોશરૂમ, ફૂટ મસાજર્સ અને સંપૂર્ણ એર કન્ડીશનીંગનો સમાવેશ થાય છે. દરેક કોચમાં સલામતી સાધનો પૂરા પાડવામાં આવે છે. સીસીટીવી અને સુરક્ષા ગાર્ડ્સ તૈનાત હશે. આ યાત્રા 3 AC વર્ગોમાં ઉપલબ્ધ છે, જેમાં એસી ફર્સ્ટ ક્લાસ, એસી 2-ટાયર અને એસી 3-ટાયર...

ગૌરવશાળી ગુજરાત માટે ટ્રેન ભાડું

• AC ફર્સ્ટ ક્લાસ: ₹95,805
• AC 2-ટાયર: ₹88,230
• AC 3-ટાયર: ₹69,085

રાજસ્થાન માટે ટ્રેન ભાડુ

• AC ફર્સ્ટ ક્લાસ: ₹67,900
• AC 2-ટાયર: ₹59,180
• AC 3-ટાયર: ₹52,480

રેલવે મંત્રાલય દ્વારા દેશની મહત્વની ઐતિહાસિક સાંસ્કૃતિક અને ધાર્મિક સ્થળો સાથે સાથે જોડાયેલ ભારતના સમૃદ્ધ સાંસ્કૃતિક વારસાને પ્રદર્શિત કરવા માટે ‘ભારત ગૌરવ ટ્રેન’ની શરૂઆત કરવામાં આવી છે. અત્યાર સુધીમાં દેશભરમાં ભારત ગૌરવ ટ્રેનને દોડાવવામાં આવી રહી છે.