છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
સુદાનમાં ખોરાક દવાઓની અછત : વિશ્વનું સૌથી મોટુ માનવતાવાદી સંકટ
સુદાનમાં ‘ભયાનક અત્યાચાર' થઈ રહ્યા છે અને પરિસ્થિતિ વિશ્વની ‘સૌથી મોટી માનવતાવાદી કટોકટી' બનવાની હદ સુધી બગડી ગઈ છે : ડોનાલ્ડ ટ્રમ્પ
વોશિંગ્ટન, તા.૨૦: યુએસ પ્રમુખ ડોનાલ્ડ ટ્રમ્પે બુધવારે કહ્યું હતું કે સુદાનમાં ‘ભયાનક અત્યાચાર' થઈ રહ્યા છે અને પરિસ્થિતિ વિશ્વની ‘સૌથી મોટી માનવતાવાદી કટોકટીૅ બનવાની હદ સુધી બગડી ગઈ છે. ટ્રમ્પે સોશિયલ મીડિયા પ્લેટફોર્મ ટ્રુથ સોશિયલ પર આ નિવેદન આપ્યું હતું. ‘સુદાનમાં ભયાનક અત્યાચાર થઈ રહ્યા છે. તે પળથ્વી પરનું સૌથી હિંસક સ્થળ અને સૌથી મોટું માનવતાવાદી સંકટ બની ગયું છે. ખોરાકથી લઈને ડોકટરો સુધી દરેક વસ્તુની તીવ્ર અછત છે,' ટ્રમ્પે લખ્યું. તેમણે જણાવ્યું હતું કે ઘણા આરબ નેતાઓ, ખાસ કરીને સાઉદી અરેબિયાના ક્રાઉન પ્રિન્સ, જેઓ તાજેતરમાં યુનાઇટેડ સ્ટેટ્સથી પાછા ફર્યા છે, તેમણે તેમને સુદાનમાં હિંસા રોકવા માટે તાત્કાલિક હસ્તક્ષેપ કરવા વિનંતી કરી છે.
સુદાન એક મહાન સભ્યતા હતી, તેને પુનઃસ્થાપિત કરી શકાય છે.
ટ્રમ્પે જણાવ્યું હતું કે સુદાન, જે એક સમયે ૅમહાન સભ્યતા અને સંસ્કળતિૅ ધરાવતો દેશ હતો, તે હવે ભયાનક સ્થિતિમાં આવી ગયો છે. જોકે, તેમણે કહ્યું હતું કે જો પ્રાદેશિક અને આંતરરાષ્ટ્રીય દેશો એક સાથે આવે, તો પરિસ્થિતિમાં સુધારો થઈ શકે છે. તેમણે કહ્યું હતું કે, ‘આ હિંસા રોકવા અને સુદાનને સ્થિર કરવા માટે અમે સાઉદી અરેબિયા, યુએઈ, ઇજિપ્ત અને અન્ય મધ્ય પૂર્વી દેશો સાથે કામ કરીશું.' ટ્રમ્પે વિશ્વને આ મુદ્દા પર ધ્યાન આપવાની પણ અપીલ કરી હતી અને વિશ્વના કલ્યાણ માટે પ્રાર્થના સાથે પોતાનો સંદેશ સમાપ્ત કર્યો હતો.
બે વર્ષથી યુદ્ધ ચાલુ છે, પહેલીવાર શાંત થવાના સંકેતો : છેલ્લા બે વર્ષથી, સુદાનમાં રેપિડ સપોર્ટ ફોર્સિસ (RSF) અને સુદાનિસ આર્મી (SAF) વચ્ચે લોહિયાળ સંઘર્ષ ચાલી રહ્યો છે. એક સમાચાર એજન્સીના અહેવાલ મુજબ, RSF યુએસની આગેવાની હેઠળના મધ્યસ્થી જૂથના યુદ્ધવિરામ પ્રસ્તાવ પર સંમત થયું છે. RSF એ જણાવ્યું હતું કે તે નાગરિક સુરક્ષા વધારવા અને યુદ્ધના વિનાશક માનવતાવાદી પ્રભાવને ઘટાડવા માટે ૅમાનવતાવાદી યુદ્ધવિરામૅ ને મંજૂરી આપે છે. વરિષ્ઠ યુએસ સલાહકાર મસાદ બોલોસે પણ જણાવ્યું હતું કે બંને પક્ષો ‘સૈદ્ધાંતિક રીતે' દુશ્મનાવટ બંધ કરવા સંમત થયા છે.
હોસ્પિટલ કબજે અને ૪૬૦ થી વધુ મળત્યુઃ સપ્ટેમ્બરમાં, યુએન માનવ અધિકાર પરિષદે એક અહેવાલ જારી કર્યો હતો જેમાં બંને પક્ષો પર નિર્દોષ નાગરિકો પર હુમલા, ટ્રાયલ વિના ફાંસી, હત્યા, ત્રાસ અને જાતીય હિંસા સહિતના ગંભીર ગુનાઓનો આરોપ મૂકવામાં આવ્યો હતો. અહેવાલમાં જણાવાયું હતું કે RSF અને SAF બંને લડવૈયાઓ સાથે સંકળાયેલી જાતીય હિંસાના ‘વિશાળ' પુરાવા છે.
(11:08 AM IST)
