ટેક્નોલોજીના ક્ષેત્રમાં બેંગલુરુએ વધુ એક હરણફાળ ભરી છે. બેંગલુરુ ટેક સમિટમાં જાહેરાત કરવામાં આવી છે કે આ શહેર ભારતનું પ્રથમ 'ક્વોન્ટમ સિટી' બનવા જઈ રહ્યું છે.
ભવિષ્યની ટેક્નોલોજી ગણાતી 'ક્વોન્ટમ કોમ્પ્યુટિંગ'ના ક્ષેત્રમાં ભારતને આગળ લઈ જવા માટે બેંગલુરુની પસંદગી કરવામાં આવી છે. બેંગલુરુ ટેક સમિટ દરમિયાન આ મહત્વકાંક્ષી પ્રોજેક્ટનું અનાવરણ કરવામાં આવ્યું હતું. 'ક્વોન્ટમ સિટી' પ્રોજેક્ટનો ઉદ્દેશ્ય ક્વોન્ટમ ટેક્નોલોજીમાં સંશોધન, વિકાસ અને ઇનોવેશનને પ્રોત્સાહન આપવાનો છે.
આ પહેલ દ્વારા શૈક્ષણિક સંસ્થાઓ, રિસર્ચ લેબ્સ અને ઉદ્યોગોને એક મંચ પર લાવવામાં આવશે. જેનાથી ડેટા સિક્યુરિટી, ડ્રગ ડિસ્કવરી (દવા સંશોધન) અને જટિલ ગણતરીઓના ક્ષેત્રમાં ક્રાંતિકારી ફેરફારો આવશે. આ પગલું બેંગલુરુને વૈશ્વિક સ્તરે ક્વોન્ટમ ટેક્નોલોજીના નકશા પર મૂકશે.