શું સિદ્ધારમૈયા તેની ખુરશી ગુમાવશે? કર્ણાટક કોંગ્રેસમાં મહાભારતઃ ડીકે શિવકુમાર બળવો કરવાના મૂડમાં: વાત દિલ્હી સુધી પહોંચી
કર્ણાટકમાં મુખ્યમંત્રી સિદ્ધારમૈયા અને ડેપ્યુટી સીએમ ડીકે શિવકુમાર વચ્ચે રહેલ તુતુ-મેમે વધી
નવી દિલ્હી, તા.૨૧: બિહારમાં કારમી હાર બાદ, કર્ણાટક કોંગ્રેસમાં વિખવાદના સમાચાર હવે દિલ્હી સુધી પહોંચી ગયા છે. જ્યારે હાઇકમાન્ડ અને રાજ્ય એકમ સામાન્યતા જાળવી રાખી રહ્યા છે, ત્યારે મુખ્યમંત્રીની બેઠક માટે કર્ણાટક કોંગ્રેસમાં ચાલી રહેલ ઝઘડો ફરી એકવાર દિલ્હી સુધી પહોંચ્યો છે. બિહાર ચૂંટણીમાં કોંગ્રેસના ખરાબ પ્રદર્શન બાદ, પદ માટે ઝઘડો વધુ તીવ્ર બન્યો છે. કર્ણાટકના મુખ્યમંત્રી સિદ્ધારમૈયા અને ડેપ્યુટી સીએમ ડીકે શિવકુમાર વચ્ચે તણાવ નોંધપાત્ર રીતે વધી ગયો છે. ડીકે શિવકુમારના કેટલાક વિશ્વાસુઓએ દિલ્હીમાં કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે સાથે મુલાકાત કરી હોવાના અહેવાલ છે, જેનાથી અટકળોને વધુ વેગ મળ્યો છે. અગાઉ, મુખ્યમંત્રી સિદ્ધારમૈયાએ આવતા વર્ષે બજેટ રજૂ કરવાનું વચન આપીને પદ પર રહેવાનો પોતાનો ઇરાદો સ્પષ્ટ કર્યો હતો.
કર્ણાટકમાં સંભવિત નેતળત્વ પરિવર્તનની અટકળો વચ્ચે, નાયબ મુખ્યમંત્રી ડીકે શિવકુમારના નજીકના નેતાઓએ ગુરુવારે મોડી રાત્રે દિલ્હીમાં કોંગ્રેસ પ્રમુખ મલ્લિકાર્જુન ખડગે સાથે મુલાકાત કરી હતી. આ મુલાકાત એવા સમયે થઈ છે જ્યારે રાજ્યના રાજકારણમાં સત્તા સંતુલન અંગે ચર્ચાઓ જોરશોરથી ચાલી રહી છે અને શાસક કોંગ્રેસમાં સંભવિત આંતરિક ઝઘડાના અહેવાલો બહાર આવી રહ્યા છે. સૂત્રોના જણાવ્યા અનુસાર, શિવકુમારના નજીકના ગણાતા ત્રણ ધારાસભ્યો અને એક મંત્રી ગુરુવારે સાંજે દિલ્હી પહોંચ્યા હતા. બેઠક પછી તરત જ આ નેતાઓ ખડગેના નિવાસસ્થાનથી બહાર નીકળતા જોવા મળ્યા હતા. બેઠકના ફૂટેજ સામે આવ્યા છે, જેનાથી એવી અટકળોને વેગ મળ્યો છે કે પાર્ટી નેતળત્વ રાજ્યમાં પરિવર્તન પર વિચાર કરી રહ્યું છે અથવા શિવકુમાર છાવણી ફરીથી પોતાનો દાવો રજૂ કરી રહી છે.
મીટિંગ દરમિયાન થયેલી ચર્ચાની વિગતો જાહેર કરવામાં આવી નથી. જોકે, પાર્ટીના સૂત્રો માને છે કે આ બેઠક ફક્ત ઔપચારિકતા નહોતી. કર્ણાટકમાં કોંગ્રેસ પાર્ટીના સત્તામાં બે વર્ષ અને છ મહિના પૂર્ણ થયા પછી નેતળત્વ પરિવર્તનની શકયતા અંગે લાંબા સમયથી અટકળો ચાલી રહી છે. આ તે જ સમયમર્યાદા છે જેને કેટલાક વર્તુળોમાં રોટેશનલ સીએમ ફોર્મ્યુલા સાથે જોડવામાં આવી છે.
નેતળત્વ પરિવર્તન અંગેની અટકળો વચ્ચે, મુખ્યમંત્રી સિદ્ધારમૈયાએ ગુરુવારે આ ચર્ચાઓને સ્પષ્ટપણે ફગાવી દીધી. અઢી વર્ષ કાર્યકાળ પૂર્ણ કર્યાના એક દિવસ પછી મીડિયા સાથે વાત કરતા, તેમણે કહ્યું કે નવેમ્બર ક્રાંતિની વાત ફક્ત મીડિયા દ્વારા કરવામાં આવી છે. તેમણે કહ્યું, તે તમારા (પત્રકારો) પર આધારિત છે. તે એક વાર્તા છે જે તમે બનાવી છે. કોઈ ક્રાંતિ નથી, કોઈ ભ્રમ નથી. અમારી પાસે પાંચ વર્ષનો આદેશ છે અને અમે સંપૂર્ણ કાર્યકાળ પૂર્ણ કરીશું. જ્યારે તેમને પૂછવામાં આવ્યું કે શું તેઓ સંપૂર્ણ પાંચ વર્ષ સુધી પદ પર રહેશે, ત્યારે સિદ્ધારમૈયાએ જવાબ આપ્યો કે તે એક બિનજરૂરી ચર્ચા હતી. તેમણે સમજાવ્યું કે તેમણે ફક્ત હાઇકમાન્ડને સૂચન કર્યું હતું કે બે વર્ષ અને છ મહિના પૂર્ણ થયા પછી મંત્રીમંડળમાં ફેરબદલ પર વિચાર કરી શકાય. આ સમયે સત્તા વહેંચણી અંગે ચર્ચાઓ શરૂ થઈ હતી.
(10:50 AM IST)
છેલ્લા 8 દિવસમાં સૌથી લોકપ્રિય 
